Milazim Zeqiraj: Dita kur foli Kosova

Dita kur foli Kosova

(Kushtuar 2 Korrikut)

Thirrja e brezave,

Kosova Republikë,

sakrificë e larë me gjak.

Me 2 korrik 1990,

dryri nga frika mbylli derën,

muret u pushtuan,

por jo zëri.

„Deklarata Kushtetuese"

një fjalë e re  për ne,

nuk kishte nevojë për mure.

2.

Kur oda heshti,

oborri u bë parlament.

që fjala të mos mbetet peng.

Aty nën qiell me diell,

kishte më shumë frymë

dhe zëri u bë jehonë.

Rrugëtimi ishte i gjatë dhe

i penguar,

por vullneti për liri i pa ndalshëm.

Nga rrënjët e ndaluara,

u ndërtua ura drejt lirisë.

3.

Deputetët nuk lejuan

që ëndërra e popullit të mbyllej:

me dry,

armë

e urdhëra.

Ata e shqiptuan lirshëm,

dëshirën e rritur në zemrë,

dhe të rujtur në maje të gjuhës.

4.

Kosova Republikë ndër vite u këndu:

në rrugë,

në burgje,

në sallat e gjyqeve,

por askush nuk u tërhoq nga sakrifica.

Në Kosovën me liri të pushtuar,

me 2 korrik 1990,

u këndu nga bijtë vet,

në oborrin parlament

dhe filloj të flas më erën,

si këngët,

si frymë.

5.

E ndaluar nga hijet,

prap u këndu,

s'ka ligj që e ndalon lirin.

Liria hyn aty,

ku hijet e zeza s'mund të hyjnë.

Dryri runte frikën,

hijet thrrnin:

„Në  Kuvendd,

ne  s'lejojmë të hyni,

që vendimet e 23 marsit 1989

të zhvlerësohen,

e Kosova të shpallet Republikë".

6.

Guximi nuk pyeti dryrin,

me 2 korrik 1990,

në oborr

deputetët një zëri,

Kosovës i dhanë emër.

Korrik 2026