Kulturë

Sevdail Hyseni: Dorëheqja

2h më parë

Sevdail Hyseni


Satirike


Dorëheqja


Të heqësh dorë

Prej lojës në garë,

Është si të zbresësh

Nga kali n’gomar!


Sado që vlerësimi

Qenka akt moral,

Kur dikush zhytet

Rastësisht në skandal.


Mirëpo, nëna parti

Mendon natë e ditë,

T’ia gjejë “kurbanit”

Një vend në pozitë.


Ngase është mësuar

Për të qenë i pari,

Mjafton deri n’zgjedhje

Të mbetet bajraktari.


Një shembull i mirë

Për t’na prirë fati,

Për ta thyer mitin

E ikjes nga mandati.


Ata që e kanë kapur

Për bishti, siç thonë,

Si në komunizëm,

Deri në pension.

(Karikatura: “Pa fjalë”) nga Imri Musliu)

Etiketat: Sevdail Hyseni Satirike Dorëheqja poezia satirike Imri Musliu karikatura Pa fjalë Kritika politike etika zyrtare akti moral skandali politik

Të Tjera

Në Fokus