Izri Rexha: Në Austri ndalohet mbajtja e shamisë në shkollat publike për vajzat nën 14 vjeç

NË AUSTRI NDALOHET NGA VITI SHKOLLORË 2026/27 MBAJTJA E SHAMISË NË SHKOLLAT PUBLIKE PËR VAJZAT NËN MOSHËN KATRËMBËDHJETË VJEÇ (§43a SchuUG)

Në Austri është miratuar Ligji për ndalimin e Shamisë të traditës islame në Shkolla Publike i cili është dashur të hyjë në fuqi që nga 20 shtatori të vitit 2025. Për shkak se ky ligj ka hyrë në fuqi disa ditë pasi ka filluar Viti Shkollorë 2025/26 nuk ka gjet zbatim vitin shkollorë që kaloi. Por në këtë Vit Shkollorë 2026/27 do të merren masa adekuate që të zbatohet në përpikëri. Sipas një drejtori të Shkollës së Mesme të Ulët i cili në një mbledhje të arsimtarëve deklaroi se "Nxënëset që janë nën moshën 14 vjeçe dhe vijnë me shami në shkollë që në ditën e parë të shkollës t'i jepet me shkrim njoftimi për ndalesën e mbajtjes së shamisë dhe të njoftohen prindërit duke e nënshkruar këtë njoftim. Në ditën e dytë të shkollës edhe një herë do të tërhiqet vërejtja dhe do të iu kërkohet nxënësve nënshkrimi i dokumentit zyrtarë. Kurse në ditën e tretë do të njoftohet Drejtoria e Arsimit për nxënësen dhe ata do të dërgojnë një dënim në shumë 200 €. Kurse nëse edhe në ditën e katërtë nxënësja do të vij me shami në kokë do të pason dënimi më i lartë, në vlerë 800- 1000€.

Rregullorja synon të promovojë barazinë gjinore dhe të formojë dukshmërinë dhe lirinë e vajzave në shkollë. Kështu shkruan në informacion nga Ministria e Arsimit të Austrisë: " Ndalesa e shamisë shërben si mbrojtje e fëmijës dhe duhet të pengon, që fëmija të shohë botën nga aspekti religjioz. Në pikën kryesore të kontekstit shkollorë qëndron vullneti dhe pjekuria kognitive e fëmijës. Ligjii e detyron edukatorin e fëmijës, gjegjësisht prindin që të kujdeset që vajza e tij ti përmbahet rregullores ligjore". Ka ndodhur shpesh që në shkollat e Austrisë ti dhurohen shamia nxënësve të klasës së parë e deri në të nëntën nga mësuesit e fesë islame apo hoxhallarët në xhamia të Austrisë , duke i lavdëruar ato se ashtu duken myslimane të vërteta dhe më vonë edhe nëse kanë dashur ti heqin ato për shkak të shprehisë së mbajtjes dhe kulturës nuk kanë mundur. Disa nga ato vajza më vonë kanë kundërshtuar këto gjeste të dhurimit të shamive nga hoxhallarët në xhamia apo dhe nga mësuesit e fesë islame. Ky gjest nga austriakët është parë si indoktrinim i fëmijës dhe për këtë arsye janë marrë masa që vetëm kur fëmija të mbush moshën katërmbëdhjetë vjeç të vendos vetë lidhur me mbajtjen e këtij tradicioni islamik që nuk është edhe tradicional shqiptar.

Në njoftimin e Ministrisë së Arsimit të Austisë shkruan gjithashtu që shkolla duhet të jetë një vend i sigurte dhe aty në gjithë hapsirën shkollore kjo traditë e mbajtjes së shamisë është e ndaluar për vajzat nën moshën 14 vjeçe. Gjithashtu shkolla është e detyruar që Ligjin ta zbaton. Ajo nuk guxon të diskuton sipas mendimeve personale të ndonjë personi, por duhet të bazohet në ligjin në fjalë. Njoftimet lidhur me ligjin iu jepen prindërve në shkolla si dhe në Faqen Zyrtare të Ministrisë së Arsimit të Austrisë në gjuhën gjermane, arabishte, boshnjake, darishte, anglishte, perishte, pashtishte, rusishte, somalishte, turqishte, urdishte. Mjerisht nuk ka informacion të njoftimit në gjuhën shqipe.

Kjo rregullore është miratuar me shumicën e votave në parlamentin e Austrisë të partive politike duke përfshirë ÖVP, SPÖ, NEOS dhe FPÖ.

Do të ishte mirë që prindërit shqiptarë nëse vajzat e tyre kanë mbajtur shami në shkollë dhe janë nën moshën 14 vjeçe, para se të fillon shkolla të përgatitin fëmijën që të shkon në shkollë pa shami, për ndryshe do të konfrontohen me Ligjin e Austrisë §43 a SchUG.