Florim Zeqa: Inskenimi i lojës demokratike, thikë me dy teha në LDK!

Inskenimi i lojës demokratike, thikë me dy teha në LDK!

E kam thënë që nga fillimi i kërkesave për dorëheqjen e Abdixhikut, se prapa tyre qëndron Vjosa Osmani! Këtë që e themë e bazoj në disa aspekte të cilat janë të pakontestuara nga askush.

'Gazi pejan' produkt i Vjosa Osmanit

E para, Vjosa Osmani nuk e do LDK-në më shumë dhe as më pak sesa Abdixhiku, pasi të dytë janë figura sorrosiane të instaluara në LDK!

E dyta, Vjosa Osmani nuk është mësuar të renditet e dyta apo e treta në hierarki!

E treta, Vjosa Osmani nuk ka shkuar për ta ndihmuar LDK-në por vetën e saj!

Kur i dështoj 'falli' për zgjedhje presidente nga partia humbëse e zgjedhjeve, e fillojë lojën e shtrigave në LDK!

Njeri më të përshtatshëm sesa Gazmend Muhaxheri nuk ka dhe nuk mund ta gjejë LDK-antirugovist i përbetuar!

Duke e ditur mirë se ishte njeriu më i besueshëm i kryetarit aktualë, ajo e futi të parin në lojë "Gazin" pejan, për t'i futur flakën LDK-së përmes Imri Ahmetit të Lipjanit!

Këta janë vetëm prijetarët, pasi pas tyre qëndrojnë edhe figura tjera të mëdha brenda LDK-së që e mbështesin misionin shkatërrimtar të Vjosa Osmanit në LDK!

Inskenimi i lojës demokratike, është thikë me dy teha në LDK!

Nismë e vjetër për ndryshime në LDK

Nuk e kam thënë rastësisht, se vetëm një figurë jashtë klaneve mund ta shpëtojë LDK-në nga zhbërja totale!

Për këtë arsye, e kam vënë vetën time në radhë të parë, jo për poste e privilegje por për ta shpëtuar LDK-në.

Kjo është sfida më e madhe jetësore, por jo e pamundur!
Ka vite e dekada, që i kam lutur eksponent të caktuar të mërgatës sonë që të vihen në ballë të nismës për ndryshime në LDK, gjegjësisht që të kandidojnë për kryetar të LDK-së pas katandisjes së LDK-së në Kuvendin e VIII-të zgjedhor, kur klani i Riinvestit përmes puçit politik e solli Isa Mustafën në krye të LDK-së!

Kësaj radhe nuk do t'i nxjerri me emra dy veprimtarët dhe publicistët e mërgatës, njëri në Gjermani e tjetri në Zvicër të cilëve u kërkova të vihen në ballë të nismës për ndryshim!

Së fundmi, vendosa që ta sfidoj vetën në përballje me klanet dhe grupet e interesit në LDK. Në këtë rrugëtim nuk jam i vetëm, pas vetës i kam me qindramijëra elektorat pasiv të LDK-së në Kosovë dhe mërgatën tonë, të cilët shkaku i kapjes së LDK-së nga klanet dhe grupet e interesit, e kanë zgjedhur abstenimin nga proceset zgjedhore si ndëshkim për klanorët, servilët dhe matrapazët e vullnetit të qytetarëve!