Faton Mehmeti: Shet tokën për të botuar libër

PARADOKSET TONA

SHET TOKËN PËR TË BOTUAR LIBËR!

‘’Çdo lexues nuk është udheëhqeës, por çdo udhëheqës duhet të jetë lexues ’’ Harry Truman

NGA FATON MEHMETI

Me zanafillën e vet çdo popull identifikohet përmes lashtësisë së kulturës, respektivisht librave që janë shkruar për të bëmat e tyre dhe mënyrën e jetesës. Libri është pasqyra e çdo kombi, prej krijimit të saj e deri në ditët e sotme. Ndonëse krijuesit, konkretishti shkrimtarët u ballafaquan me rezistencën e pushtetarëve, si të atyre të oborreve mbretërore, ashtu edhe të atyre që vun kollaret e politikanëve

'' modern". Megjithatë mposhtja e idelizmit të shkrimtarëve nuk u realizua asnjëherë, megjithëse u pengua mjaft. Shkrimtarët janë shpirti i epokës në të cilën jetojnë, ata mishërohen me fatin e kohës së popullit të tyre.

Rinia shqiptare tashmë sa vite ballafaqohet me kritikat e gjeneratave më të vjetra se “është një rini që nuk lexon”, duke ngërthyer në realitet të tmerrshëm për të tashmen dhe të ardhëm, sepse një shoqëri që nuk lexon është e destinuar të dështojë.

Një shqetësim që edhe mua sikur të gjithë krijuesti tjera, që më preokupon është (mos)përkrahje e shtetit për krijuesit e rinj.

Edhe përkundër faktit se jemi i vetmi vend ku buxheti për kulturë është qesharak vetëm 2 %, derisa në vendet në rajon ajo arrin nga 8 - 11 % që pasyron  mungesën e  mentalitetit të avancuar kulturor, ku krijuesit trajtohen si te mjerë e jo nderi dhe krenari e kombit.

Duhet theksuar se konkursi vjetor i Ministrisë së Kulturës për të botuar 16 vepra, iu ndahet atyre që janë të afërt me pushtetin.  Një shoqëri ku arti-kultura konglomerohet me politikë ai smund të quhet art i mirëfilltë, por kopje e zbehtë e saj. Dhe as që mund te pritet diçka tjetër, kur me kulturën udhëheqin ata që  kanë mungesë të kulturës.

Në ditët e sotme për një krijues të ri, pavarësisht talentit të tij është  vështirë të botojë një vepër nëse nuk e financon vet. Por kur mjetet financiare mungojnë ndërsa dëshira është e madhe, duhet këruar alternativa të ndryshe. Një rast i tillë është i poetës së re nga Gjilani, Edona Beqiri, e cila ka shitur tokë për të financuar librin e saj. Edona para disa vitesh me ndihem e disa donatorëve botoi veprën e saj të parë ‘’ Zemra troket në zemër’’ e cila, edhe përkundër moshës së re të saj, u prit mirë nga lexuesit. Por në mungesë të mjeteve financiare për të botuar veprën e dytë , që pritet të dal nga botimi brenda këtij viti, ka shitur disa metra tokë për ta botuar veprën e saj letrare.

Edhe përkundër kërkesës dërguar në Komunën e Gjilanit për të kërkuar mjete financiare për të botuar, një gjë e tillë nuk ka ndodhur. Mirëpo kjo nuk është e vetmja krijuese që ka ndarë një pjesë të pasurisë së saj për të botuar një vepër letrare.

Përderisa Qeveria shpenzhon  miliona euro për dreka e darka dhe ekskurzione , shtresa më e lartë e shoqerisë  ballafaqohet me kushtet elementare jetësore.