Demir Krasniqi: Kalle, kalle!...

Parodi “Tallava - Sallamadi”:

KALLE , KALLE !...

Anë e mbanë malet shqiptare –
Pa mëshirë po digjen n’ zjarre !

Që nga lindja te  perëndimi –
Malet tona i  mbuloi tymi !

Që nga jugu e në veri –
Na u banë malet shkrumb e hi !

Kalle , kalle , qitja flakën –
Në hajni e ke nafakën !

Kalle, kalle , qitja tymin –
Në hajni e ke fitimin !

Kalle , kalle , o shpirtzi –
S’ ka gjykatë, as polici !

Kalle, kalle , ogurzi –
Qysh po e kallë këtë pasuri ?!

Kalle, kalle , tu thaftë dora –
Qysh po i kallë malet sa ora ?!

Kalle , kalle , tu kalltë koka –
Do t’ mallkojë qielli e toka !

Kalle , kalle , he dalsh fare –
Qysh po i kallë malet shqiptare ?!

Kalle, kalle , o  idiot –
Ty , të vraftë i Madhi  Zot !

Gjilan, më 03.09.2012. Demir KRASNIQI