Florim Zeqa: Mos e humbni trenin e fundit për shpëtim?!

Mos e humbni trenin e fundit për shpëtim?!

Pas shpalljes së kandidaturës time për kryetar të LDK-së, me të drejt familjarët e mi dhe miqtë e ngushtë kanë filluar të shqetësohen për fatin tim, shkaku i kërcënimeve dhe shantazheve që më vijnë nga individ të caktuar, të cilët për qëllim e kanë ndalimin e misionit tim fisnik!

Pa dashuri nuk bëhen punët e mira për vendin

Siq më njohin lexuesit e rregullt dhe elektorati i LDK-së, unë në shkrimet e mia flas me gjuhën e zemrës, asnjëherë nuk udhëhiqem nga mënia apo inatet personale, por nga dashuria që kam ndaj atdheut tim të shenjt-Kosovës dhe bashkombasve në Kosovë dhe në mërgatën tonë.

Unë asnjëherë deri më sot, nuk e kam mbështetur keq-qeverisjen e vendit pavarësisht kush ka qënë në pushtet, sikurse që nuk i kam mbështetur pazaret e pista politike për interesa personale të kujtdo qofshin ato.

Si rezultat i kastës së dështuar politike LDK-ja ka rrëshqitur në vendin e tretë dhe me tendencë të rënjes edhe më poshtë se kaq!

Në ndërkohë elektorati i saj po lëvizë pandalshëm drejt partive tjera, kurse qyetarët e vendit dita-ditës janë duke e braktisur vendin, jo shkaku i dhunës dhe represionit të pushtuesve serb, por shkaku i keq-qeverisjeve të njëpasnjëshme!

Ashtu siq e ceka në fillim të këtij shkrimi, nuk kam asgjë personale me kryetarin aktual dhe as me drejtuesit e partisë, qofshin ata deputet, asambleist apo kryetar komunash, por, problemin e kam me keq-menagjimin e partisë!

Trajtimi i partisë si pronë private e ka sjellur LDK-në këtë gjendje mjeruese dhe konfliktuoze, shkaku i luftës së ashpër në mes të klaneve dhe grupeve të interesit për marrjen e primatit të "Rugovizmit" në parti!

Klanorët antipod të LDK-së rugoviane

Përderisa dashuria dhe dhimbja janë në të njëjtët binarë, krenaria dhe zhgënimi mbajnë të njëjtën rrugë!

Dhimbja dhe zhgënjimi më bëjnë akoma më të fortë dhe më të qëndrueshëm në rrugëtimin tim dhe në përballje me sfidat e kohës!

Iluzionistët e ringjalljes së LDK-së përmes klaneve dhe grupeve të interesit do të mashtrohen keq, ashtu siq u zhgënjyen nga "Rruga e Re" dhe nga "Bashkimi i të djathtës shqiptare"!

Drejtuesit e LDK-së post-Rugoviane për dy dekada rresht nuk i sollën asnjë fitore LDK-së në zgjedhjet parlamentare!

Vërtetë 9 palë zgjedhje të humbura rresht nuk janë pak, e dhjeta do të jetë e tepërt...!

Klanorët po mundohen t'ia shesin 'sapunin për djath' elektoratit përmes të ashtuquqjturit "Kuvend i Jashtëzakonshëm Zgjedhor", të cilat do të jenë mashtrime të kriposura plot hipokrizi siq ishte "dorëheqja" e Abdixhikut pas zgjedhjeve të 28 dhjetorit të vitit të kaluar!

Klanorët garën e ndershme dhe demokratike e kanë kthyer në maskaradë zgjedhore brenda partisë!

Votën e lirë e kanë kthyer në aklamacion, kurse rivalitetin politik e kanë kthyer në luftë klasash brenda partisë!

Degradimi e arriti kulmin kur dorëheqja e kryetarit humbës të zgjedhjeve u kthye në 'votëbesim' (uzurpim të partisë)!

Vetëm vendimarrja tek elektorati përmes Referendumit mund ta nxjerrë liderin unifikues të partisë, kurse maskaradat zgjedhore do ta përcaktojnë fundin e LDK-së!

Dikur rugovizmi ishte krenari dhe sfidë njëkohësisht, sot është bërë spot politik pa pagesë dhe biznes në të njëjtën kohë!

LDK-ja e sotme nën tutelën e klaneve dhe grupeve të interesit jo vetëm që nuk ka gjë të përbashkët me të kaluarën e saj, është kthyer në antipod të LDK-së rugoviane!

Antirugovistët e mbështjellur me flamur dardan e kanë e kanë bërë të neveritshëm rugovizmin në LDK!

Treni i fundit për shpëtim

Cilido kandidat që zgjedhet Kryetarë i LDK-së përmes Referendumit do të jetë i pranueshëm për të gjithë dhe i suksesshëm në ringritjen e partisë.

Nëse elektorati më ngarkon me besim për drejtimin e LDK-së, unë do ta shpërblejë me ringritje në vendin e dytë pas zgjedhjeve të dhjetorit, kurse në zonjë të skenës politike kosovare dhe mbretëreshë të qeverisjes së vendit pas zgjedhjeve të rregullta parlamentare!

I tillë do të mbetëm, përherë ushtarë besnik i atdheut dhe gardian i interesave të bashkombasve të mi dhe shoqërisë shqiptare në përgjithësi.

Unë biri yt, që lutem e punojë ditë e natë për ty Kosovë, edhe përkundër kërcënimeve dhe shantazheve nuk do të ndalem për asnjë çast së punuari dhe vepruari për të mirën e vendit dhe qytetarëve të vendit tim për t'i dalë zot shtetit dhe interesave të qytetarëve dhe bashkatdhetarëve në mërgim.

Për këtë e kam dijen, dëshirën, vullnetin, vendosmërinë dhe guximin për reformimin e thellë të LDK-së pa asnjë ambicie personale, me forcën dhe qëllimin hyjnor, me besim në Zot dhe elektorat për ringritjen e LDK-së. Përveç çelësit në dorën time, unë jam treni i fundit për shpëtimin e LDK-së nga katandisja në humnerën e pakthim!

I bëjë thirrje nga shpirti elektoratit të LDK-së: Mos e humbni trenin e fundit për shpëtim!

Nëse krerët LDK-së nuk hapin rrugë dhe nuk e pranojnë efertën e shpëtimit, do të ballafaqohen me ndëshkimin e elektoratit në zgjedhjet e dimrit të këtij viti, i cili për LDK-në do të jetë dimri më i acart në historikun 38 vjeçar të saj!"

Megjithatë, unë me ndihmën e qytetarëve do ta gjejë mënyrën dhe rrugën e veprimit, do ta gjejë alternativën e veprimit politik për ta bërë ndryshimin epokal dhe kthimin e shpresës së qytetarëve për jetë në vendin më të bukur në botë-Dardaninë tonë antike.

Zoti e bekoftë Republikën e Kosovës!

Zoti i bekoftë qytetarët e vendit tim!

Florim Zeqa, kandidat për kryetar të LDK-së!

Orsago (Itali), 25.07.2026