Fahri Dahri: Një e vërtetë e thjeshtë

1h më parë

NJË E VËRTETË E THJESHTË

Nga Fahri Dahri

E vërteta e kombit tonë dihet, por janë faktorë të fortë subjektivë që dominojnë në gjetjen e mekanizmave për unifikimin identitar.

Gjatë mbretërimit të perandorit romak Maurice (582-602), për shkak të sulmit të përhapur të avarosllavëve që përmbytën Ballkanin, siç dëshmohet nga historiani sirian i shekullit të VII pas Krishtit, Evagri Scholastis:

“Goditja përfundimtare që vrau popullsinë greke erdhi në vitin 746 pas Krishtit, me epideminë gjithëpërfshirëse që asgjësoi grekët e mbetur.”

Kjo ngjarje është konfirmuar nga perandori bizantin Konstandin Porfyrogeniti (905-969 pas Krishtit), i cili e rrëfen në librin “Thematika”.

Po ashtu, për t'u kuptuar edhe më qartë, po shkruaj konkluzionin e historianit britanik:

“Greqia u krijua nga arvanitët, sepse ata jetonin në atë territor në 1831 dhe kudo flitej shqip”.

Këto përfundime dhe shumë të tjera si këto vërtetojnë se arvanitët ikën dhe u ngulën diku. Atje ngritën bujtinat. Flisnin gjuhën e tyre arvanite (e ruajtën ashtu siç flisnin në vendlindjen e tyre). U bashkuan në mbrojtje të territorit të ri.

Ai territor nuk kishte emër si shtet, ndaj formuan shtetin e tyre “Ne Albania” / “Shqipëria e Re”. Ngulimi i atyre emigrantëve në një territor pa emër duhej pagëzuar. Ndaj e pagëzuan me “Ne Albania”.

Në ato kohë kishte hapësira të pabanuara, siç ishte Thesalia, e cila me kalimin e kohës u krijua nga migrimi i një pjese të popullsisë nga Thesprotia.

Pak vite më pas, hamorigat-dosëzat (Megalloidea) ia ndryshuan emrin në: “Shteti Grek”.

Me këtë emër, irredentistët e Megalloidesë dhe naçertanasit në veri të Shqipërisë mbollën fatkeqësitë në gadishullin tonë. Fatkeqësi që u ndjenë thellë në trupin e Pellazgjisë e të Ilirisë dhe që i trashëgojnë sot arvanitasit, çamët dhe shqiptarët.

Përvojat, hulumtimet dhe niveli kulturor pranojnë realitetin dhe përfundimin se kaq e thjeshtë duhet të jetë historia jonë dhe ajo e krijimit të shtetit të arvanitasve të vitit 1830.

[Pjesë nga libri në botim:

“Njëqind e trembëdhjetë vitet e vetmisë së Çamërisë”]

Fahri Dahri

06/06/2026