Enver Bytyçi: Paqja nuk vendoset më me dialog me kriminelë të formatit të Aleksandër Vuçiç!

Paqja nuk vendoset më me dialog me kriminelë të formatit të Aleksandër Vuçiç!

Nga Enver Bytyçi

Sot Kosova është në zi! Nderohet vepra dhe emri i heroit më të ri të saj, Afrim Bunjaku! E gjithë Kosova sot e për të ardhmen duhet ti falet gjakut të Afrimit dhe aktit të jashtëzakonshëm të policisë së saj për ardhmërinë e saj! Duhet ti falet edhe vendosmërisë së qeverisë, presidentes dhe institucioneve të saj!

Por Afrim Bunjakun do duhet ta kujtojnë një ditë edhe serbët e veriut të Kosovës! Ata do ta kuptojnë se gjaku i tij do të sjellë më shumë paqe në Kosovë. Më shumë mirëkuptim midis serbëve dhe shqiptarëve, derisa serbët e Zveçanit dhe të veriut nuk pranuan tu bashkohen terroristëve të Beogradit kundër policisë së Kosovës!

Aleksandër Vuçiç u përpoq të fajësojë Albin Kurtin dhe serbët e Kosovës për vrasjen e Afrim Bunjakut dhe ngjarjet e djeshme! Kjo do të thotë se prej sot duhet të ketë një marrëdhënie të tjetër midis qeverisë, instirucioneve të Kosovës dhe banorëve të përkatësisë serbe në veri e kudo. Marrëdhënie mirkuptimi të ndërsjelltë dhe bashkëpunimi të frytshëm për ndërtimin e shtetit të së drejtës dhe forcimin e paqes sociale midis palëve!

Eshtë koha kur marrëdhëniet me Beogradin të ngrihen deri në njohjen e shtetit të Kosovës nga ana e Serbisë dhe të niset një marrëdhënie e re me serbët e Kosovës, të gatshëm të kontribuojnë për shtetin dhe ardhmërinë e jetës së familjeve të tyre!

Paqja nuk vendoset më me dialog me kriminelë të formatit Aleksandër Vuçiç!