Belisar Jezerci: Shqiptarët nuk e durojnë më nënçmimin 523-vjeçar nga Perandoria barbare otomane!

Shqiptarët nuk e durojnë më nënçmimin 523-vjeçar nga Perandoria barbare otomane!

Atë që kemi denoncuar prej vitesh po konfirmohet dita-ditës.

Një katund që shihet, kallauz nuk do: Serbia, në bashkëpunim me Turqinë, gjithmonë i ka përdorur imamët shqipfolës renegatë për t'i realizuar qëllimet e saj të errëta antishqiptare!

Në kohën kur shqiptarët as të drejtën më elementare për të përdorur gjuhën shqipe në komunikimin publik nuk e kishin, e mos të flasim për shkolla laike, Serbia hapte medresenë e madhe në Shkup dhe, më vonë, edhe atë në Prishtinë.

Roli i hoxhallarëve kolaboracionistë ka qenë po ashtu përcaktues për spastrimin etnik të trevave shqiptare (për dëbimin e shqiptarëve nga Kosova dhe gjithë ish-Jugosllavia, por edhe nga Çamëria, për në Anadoll).

Mjerisht, të gjitha qeveritë e Kosovës së pasluftës kanë përkrahur qëllimin antikombëtar të Bashkësisë Islame të Kosovës, e sidomos qeveria e sotme, në krye me Albin Kurtin, i cili, paturpësisht, për interesa personale, deklaronte se do ta luftonte islamofobinë në Kosovë, ndërkohë që ky fenomen, kurrë nuk ka ekzistuar te shqiptarët. Përkundrazi, gjithmonë ka ekzistuar dhe ekziston një shqiptarofobi ekstreme.

Është momenti vendimtar që Albin Kurti të reflektojë, t'i thërrasë mendjes dhe të distancohet publikisht nga BIK-u. Hapi i parë duhet të jetë ndalimi urgjent i ndërtimit të xhamisë së Erdoganit në qendër të Prishtinës.

Nëse nuk ndalohet ky projekt antishqiptar, do të jemi dëshmitarë që kjo xhami do të shërbejë si casus belli për një konflikt me përmasa jo vetëm ballkanike, por edhe evropiane, sepse shqiptarët nuk e durojnë më nënçmimin 523-vjeçar nga Perandoria barbare otomane!