Bedri Tahiri: Nuk vdes profesori e artisti

Bedri Tahiri

Nuk vdes profesori e artisti

(Profesor Beqir Beqirit)

Si nxënës i Gjimnazit në Skënderaj

Nuk i kuptoja gjërat me aq  lehtësi

Në klasë i rëndë, me iksa e ypsylona

Në skenë gojëmjaltë, me plis e tirq galana

“Shtatë shaljanet” e “Cucën e maleve”

I mësova më mirë se prej vetë leximit

Nga profesori e nga Hamzë Jashari

Dhe më ngelën në kujtesë përgjithnjë

Më vonë,  si kolegë e bashkëpunëtorë

Nëpër shumë manifestime kulturore

E çmoja lart, por dhe më çmonte

Si drejtor kulture më ndau Mirënjohje

Shpirti i artistit e kishte në qejf edhe dollinë

Më përcillte  edhe në familje dëshmorësh

Ishim edhe në Pemishtën e tij të dashur

Andaj, them:  Nuk vdes  profesori e artisti!