Neki Lulaj: Kthim vitesh

Kthim vitesh

Nga Neki Lulaj

Ma ka bërë ditëlindja më të bukur buzëqeshjen hirplote.

Më duhet të mbledh shporta me urimet më të freskëta.

Kosova më sjell të rizgjuar ninullat e ëmbla të Lokes

Vitet e hapat futen urtësisht nëpër rreshta.

Vijnë të gjithë brengat e gëzimet si bisku i filizit.

I lidh kohërat me fjongo të kaltra, të kuqe.

Në supe më bien petalet e luleve të Belles-Bërliqit.

Puhiza e dëborës së bardhë mbi flokë më ulet.

Gjethet e lisave u vyshkën e prapë u gjethuan.

Të tjera dashuri u ndërruan në djepe me ninullat

Ditëlindjet e mia me dritë kurbeti karvanuan.

Mes librave shkuan dhe ditët gazmbushura.

E më rizgjuan një Valle Shpatash në ditë të largëta kurbeti.

Ku fjalëshqipja më bëhet këtu si shtizë drite.

Në rrudhat e gjoksit hej, sa vite koha më treti

E dëshirat kërkonin çelësa sa një qiell me yje.

Jam udhëtar veshur mes një petk gëzimi dhe trishtimi.

Dhe me thinja jeta më ka bërë arkitektë ëndërrbukur.

Jam në majën e malit a pranë trokashkës së një mulliri.

E bluaj mielllin e bardhë për sofrën e mbushur.

-Nga Gjermania, 13 janar 2020-