Blerim Rrecaj: Prej rrënimit në ringritje
Nga
Blerim Rrecaj
Libri
i Korab Blakajt "Shqiptari përballë rrënimit" (me nëntitullin: Një
thirrje për ringritje kombëtare) është një libër që paraqet gjendjen e kombit
shqiptar në ditët e sotme, pa dorëza, me vendosnëri e guxim.
Dhe
siç dihet kjo gjendje nuk është aspak e mirë, as e lehtë për t'u kapërdirë,
përkundrazi është e pakëndshme dhe e rëndë në çdo fushë, aspekt e pore të
jetës.
S'ka
si të jetë ndryshe derisa shkilet interesi kombëtar, përbuzen e keqpërdoren
heronjtë e dëshmorët, nëpërkëmben vlerat e kombit, mungon zhvillimi ekonomik,
institucionet mbushen me të paditur, militantë e servilë, mediat me gazetarë e analistë që çirren,
bërtasin, shajnë e i sulen njëri-tjetrit si të marrë, me organizata të ndryshme
që nxisin përçarje e urrejtje, me intelektualë që heshtin, me klerikë që nxisin
përçarje në vend të harmonisë fetare e kombëtare, me të infiltruar të
llojllojshëm nga lloj lloj shërbimesh të huaja nëpër të gjitha këto
institucione me qëllimin e vetëm
rrënimin e identitetit shqiptar, duke iu kundërvënë në mbarë vendin tonë nga
bijtë e bijat më të mira që me vetëdije
kërkojnë
zhvillim
e përparim të njëmendët për të cilin u bënë aq përpjekje, u bënë aq sakrifica,
e aq e aq luftëra për liri e bashkim kombëtar.
Libri
flet për gjendjen në terren, për
deformimet e mëdha që përjetojmë çdo ditë, për keqfunksionimin e politikës
përbërë nga paqartësi qëndrimesh qoftë nga pozita e qoftë nga opozita,
(Shqipëri, Kosovë e në të gjitha trojet) duke u lënë anash interesi i
përgjithshëm e afatgjatë i gjithë qytetarëve.
Për
moskujdes rinisë e cila mrizon banaliteteve e absurditeteve, bredhërit pa
punë, duke bjerr kohën jo nëpër shkolla e fakultete të mirëfillta, jo nëpër
shkolla profesionale, jo nëpër fabrika, punëtori e ferma, por nëpër kafene e
duke u bërë pjesë e politikës që për t'u marrë me të kërkohet nështrim,
servilizëm, cinizëm e kokëfortësi.
Libri
flet për shumë plagë, për shumë çështje që nuk trajtohen si duhet, për të na
sjellë të zgjidhjet e vërteta ku mbizotëron drejtësia e meritokracia.
Pas
gjithë kësaj fotografie të gjendjes, pas këtij
skenimi,
pas kësaj diagnoze që paraqitet në këtë libër, ku nuk flitet për se çfarë
dëshirojmë e kemi qejf të dëgjojmë por për atë që ngjet në të vërtetë dhe
rrugën e vështirë që pret përpara, për t'i bërë ballë kësaj stërkeqeje e këtij
rrënimi.
Në
këtë libër vërejmë se roli i individit në këtë gjendje është thelbësor e shumë
i rëndësishëm siç ka qenë gjithmonë, edhe kur ai është anashkaluar,
shpërfillur, sepse janë njerëzit me ideale të larta të cilët nuk janë tërhequr
e dorëzuar para askujt e asgjëje që u ka mohuar identitetin e dinjitetin.
Me
pak fjalë ky libër është libër që jep kurajë, jep guxim për ringritje kombëtare
shqiptare, si rrugë e drejtë dhe e pakompromis...
