Basri Beka: Pse islamistët heshtin për Kishën Ortodokse Serbe që po ndërtohet pa leje?

PSE ISLAMISTËT HESHTIN PËR KISHËN ORTODOKSE SERBE QË PO NDËRTOHET PA LEJE?

Nehat Bllacaku po ngre një shqetësim serioz për ndërtimin e një kishe ortodokse serbe në Llapnasellë të Graçanicës, të cilin e paraqet si ndërtim pa leje dhe në parcelë private.

Por pyetja që duhet t’u bëhet atyre që ditëve të fundit po mobilizohen kundër kishës në Zogaj është shumë e thjeshtë:

Pse heshtni për këtë rast?

Kur bëhet fjalë për një kishë katolike, ngrihet Islami politik, organizohen protesta dhe shpallet “rrezik”. Kur bëhet fjalë për një kishë ortodokse serbe, heshtje totale.

Nëse problemi është ndërtimi pa leje, atëherë ligji duhet të zbatohet njësoj për të gjithë.

Nëse reagoni vetëm ndaj kishës katolike, ndërsa heshtni ndaj kishës ortodokse serbe, atëherë nuk po mbroni ligjin.

Po e përdorni ligjin si pretekst për një agjendë fetare dhe politike.

Ky është standardi i dyfishtë i islamit politik: kundër tjetrit kur i leverdis, heshtje kur nuk i leverdis.

Kosova është shtet laik. As kisha katolike, as ajo ortodokse, as xhamia nuk duhet të jenë instrument i politikës fetare.