Kalosh Çeliku: Fatkeqësia kombëtare

FATKEQËSIA KOMBËTARE

NGA KALOSH ÇELIKU

Historikisht, Kërçova deri më sot, nuk ka dhënë politikanë, por kaçakë të maleve dhe burra të pushkës. Edhe, të Penës. Përçudi, siç duket Ditën e sotshme: jep edhe politikanë. Nuk do të merrem në këtë shkrim publicistik letrar me kohën e pushtimeve osmane, as me ato serbe. Politikanët e asaj kohe, që bënë luftë për Liri me pushkë, dhe Penë.

Gjatë sistemit komunist jugosllav, politikanë në Kosovë dha Gjakova, dhe në Maqedoni Dibra. Në demokraci me politikë u muarr Podujeva, dhe në Maqedoni Tetova. Edhe, gjatë sistemit komunist luftë bënë mes vete si komunistë. Sot, po u përsëritet historia, si Neokomunistë. Pak veta e dinin, se: politika është edhe art luftarak. Armiqtë, janë miqtë më të mirë në politikë. Ditën shahen, e Natën pajtohen për të hyrë në Qeveri. Dihet, edhe bëjnë pazare: shesin e blejnë mallëra edhe me afate të skaduara përdorimi. Prandaj, bythekrye e bënë politikën edhe Fenë, si në Kosovë, ashtu edhe në Maqedoni. Mos them, edhe në Shqipëri. Shkak, që: në Kosovë u desht të dalë maleve Drenica me Adem Jasharin (1988 – 1999), dhe në Maqedoni Kërçova dhe Kumanova me Ali Ahmetin (2001).

Ditën e sotshme i gjithë populli shqiptar merret me politikë. Lëmsh i kanë bërë profesionet: kemi politikanë, doktorë shkence, artistë, por nuk kemi barinj dhe bujqër të na i ruajnë dhentë maleve dhe lërojnë arat fushave, që t’i mbjellim dhe korrim me drithëra për Dimër. I madh dhe i vogël, turren me të katra pas posteve politike dhe pasurisë personle dhe familjare. Asnjëri, pas arsimit dhe kulturës. Themelet e një shoqërie. Shteti.

Pozitë e Opozitë, edhe pse nuk e fitojnë votën e popullit, shtyhen me bërryla, kush i pari të hyjë në Qeverinë e “vëllazërim – bashkimit”. Edhe, atë: vetëm për një përdorim në dëm të popullit shqiptar. Ose, siç thotë Fishta i Madh: “Ende, nuk po e gjejnë një tiran”. E, sa e di unë, dhe e parashikoj Ditën e Nesërme: me krunde, nuk gatuhet, as piqet kulaq në çerep, as bukë misëri nën saçin me shpuzë.

Bërlloku, është bërllok për në kontenierë. Nuk bëhet ar për ta shitur në “Bit – Pazar”. As, argjend. Epabsueshme?! Bërlloku, sot bëhet ar, dhe argjend?! Propagandohet, dhe shitet me pakicë dhe shumicë te populli shqiptar. Që, ende, nuk e bluan dot truri im në kokë.

Thyeni qafën me këto “zbulime” shkencore politike “patriotike” për Ditën e Nesërme, si politikanë të dalldisur dhe arratisur pas partive politike. Rrugëve pa shteg për Dalje maleve me lisa t’i kullosni dhentë. Mos e mashtroni ende popullin shqiptar edhe në Ditën e Sotshme me parti politike policore për “Liri”! E, dhentë në mrizet e dardhave gorrice të na i mjelin me kusi “vëllezërit” e Njerkës, rrëmbejnë tambëlin, e shqiptarëve t’ua lënë kakërdhiat.

Populli shqiptar, është mbi nivelin e juaj si politikanë dhe të partive politike. Prandaj, mos bëni pazare politike në emër të popullit shqiptar me brekët ende nëpër këmbë. Dhe, Ditën e nesërme të dilni nga Qeveria xedhe pa brekë. Që, me gjithë këto “politikanë”, “patriotë” e thirrni Ditën e Nesërme, dhe përsëri përfundoni me Natën.

Populli shqiptar, e di rrugën e vet në Histori...