Petrit Dibrani: Të Bashkuar për Shqiptarinë

Jemi ne me “Vulë në Ballë”, që të gjithë bashkë jemi Shqiptarë.

“Me kishat dhe xhamitë, me besime fetare të ndryshme personale, jemi Një, të bashkuar, dhe s’do të mundet KURRË askush që të na ndajë.”

(Të bashkuar nga Shqipëria në Dardaninë Lindore dhe Veriperëndimore, te Tregu i Ri, në Duklesë të Malësisë e Çamëri dhe Iliridë, jemi ne, me ndjenjë në shpirt, të bashkuar për SHQIPTARINË!)

Kombi ynë është zjarri i dashurisë për atdheun, që na vlon në gjakun tonë të lidhur me fise!

Gjuha jonë Shqipe, që kuptohet vetëm me “Mitologjinë tonë Historike”, është Identiteti ynë kudo që jetojmë.

Atdheu ynë i përbashkët është kurdo e kudo që jemi; është brenda nesh, ose në asnjë vend, ngase nga dashuria për shtëpinë ku kanë lindur të parët tanë, buron edhe dashuria për atdheun.

Simbolet janë të trashëguara nga paraardhësit tanë, që i mbajmë në djep nga lindja e deri në vdekje, kur mbulohemi, edhe pranë në çdo varr.

Tradita dhe Kultura janë shtylla kurrizore e dinjitetit dhe identitetit, si dhe udhërrëfyese që i lidh brezat përmes vlerave të trashëguara, duke e ruajtur dhe mbajtur gjallë shpirtin e Kombit tonë.

Dhe kur të gjitha këto “fakte kombëtare” të Historisë sonë të lavdishme, me shumë gjak, lot e sakrificë, ruhen, mbrohen dhe kultivohen që t’u trashëgohen pasardhësve tanë, ato tregojnë shkallën e Kombësisë Shqiptare, të Shqipërimit dhe të Shqiptarësisë së qëndrueshme e stabile.

JU DUA TË BASHKUAR, SHQIPTARË TË BEKUAR!