Milazim Zeqiraj: Rugovizmi nuk mund të mbetet vetëm kujtim për Rugovën

Rugovizmi nuk mund të mbetet vetëm kujtim për Rugovën

Pytja: Cila është kauza e madhe e LDK-së në vitin 2026?

Trashëgimia politike e Ibrahim Rugovës mbetet kapitali historik më i rëndësishëm i LDK-së. Megjithatë, një parti nuk mund ta ndërtojë të ardhmen vetëm duke kujtuar të kaluarën.

Nuk mjafton të flitet për Rugovën. Duhet kuptuar dhe zbatuar metoda e tij politike: përcaktimi i një objektivi të qartë, krijimi i konsensusit shoqëror, shmangia e përçarjeve të panevojshme dhe ndërtimi i partneriteteve në interes të vendit.

LDK-ja sot duhet të dëshmojë se është e gatshme të bashkëpunojë me partitë e tjera, pa e humbur identitetin dhe parimet e saj. Njëkohësisht, duhet ta tregojë qartë përkushtimin ndaj vendit, dhe partneritetit me Shtetet e Bashkuara të Amerikës dhe aleatët perëndimorë.

Mbi të gjitha, LDK-ja duhet të paraqitet si mbrojtëse e palëkundur e Kushtetutës dhe e ligjeve që burojnë prej saj. Ajo nuk duhet të bëhet palë me ata që e shkelin Kushtetutën. Vetëm kështu mund ta bindë elektoratin se partia dhe kryetari i saj përfaqësojnë stabilitet, përgjegjësi dhe rend demokratik.

Prandaj, rugovizmi modern nuk duhet të jetë nostalgji, por qëndrueshmëri në mbrojtjen e Republikës.

Partia duhet të jetë model i politikëbërjes në Kosovën e sotme. Kjo arrihet duke e mbrojtur Kushtetutën, jo duke e shkelur atë.

Pse rritja e LDK-së nuk po shndërrohet në fitore?

Në zgjedhjet e shkurtit 2025, LDK-ja arriti të rikthente një pjesë të elektoratit të saj. Kjo është një arritje që nuk duhet minimizuar dhe dëshmon se partia ka potencial për t'u rritur.

Megjithatë, ekziston një dallim i madh ndërmjet rikthimit të votuesve të humbur dhe krijimit të një shumice të re politike.

Për të fituar, LDK-ja duhet të depërtojë përtej elektoratit të saj tradicional. Ajo duhet t'i bindë të rinjtë, profesionistët, qytetarët që nuk votojnë dhe mbi të gjitha, votuesit që aktualisht mbështesin parti të tjera.

Kjo nuk arrihet vetëm me ndryshime organizative apo me votëbesim ndaj kryetarit. Nevojitet një reformë e thellë, e cila duhet të nisë nga aktivi dhe të përfshijë çdo nivel të partisë. Qëllimi duhet të jetë fitimi i besimit të votuesve të rinj dhe i atyre që votojnë për herë të parë.

Qytetari duhet ta kuptojë menjëherë se çfarë do të ndryshojë konkretisht në jetën e tij dhe në funksionimin e shtetit nëse LDK-ja e qeveris Kosovën.

Çfar sollën bisedimet e LDK me LVV për Prsident pas skadimit të afatit për konstituimin e Kuvendit ?

Udhëheqja aktuale e ka konsumuar në masë të konsiderueshme kredibilitetin e saj. Mungesa e qëndrueshmërisë në qëndrime, përfshirë mënyrën e zhvillimit të bisedimeve të fundit me LVV-në, ka krijuar paqartësi politike dhe institucionale.

LDK-ja, si parti e tretë dhe me fuqinë e nevojshme parlamentare që ka me 18 deputet rrezikon të marrë përsipër përgjegjësi që nuk i takojnë për krijimin e institucioneve. Në të njëjtën kohë, krijohet përshtypja se keto bisedime LVV dhe LDK për Prsident pas afatit kushtetus për konstituimin e Kuvendit disi  po japin përshtypje se LVV po çlirohet nga përgjegjësia e saj politike, kurse lideri i LDK arriti ta ngarkon me përgjegjësi deputet e vet.

Kjo qasje e gabuar ka dëmtuar bësimin brenda anëtarësisë dhe elektoratit të LDK-së. Një pjesë e tyre ndihen të zhgënjyer nga një lidership që përceptohen se ka rënë pre e taktikave politike të LVV-së, ndërkohë që këto bisedime të fundit vlersohen si veprime në kundërshtim me Kushtetutën e Kosovës.

Këtu lind pyetja:

A kishin keto bisedime për qëllim zgjidhjen e ngërçit institucional, apo zhvendosjen e fajit të disa deputetë të LDK-së që kërkonin respektimin e Kushtetutës?

Dhe, mbi të gjitha, pse duhet të mbahet përgjegjëse LDK-ja për moskrijimin e institucioneve, kur LVV nuk e konstituoi Kuvendin më 7 gusht 2026 pasi i kishte numërat.

Pytja pse LDK të fajsohet se po dërgon vendin në zgjedhje kur dihet se në kuvend ka edhe 114 deputet tjerë.

Kauzat e reja të LDK-së

Kosova sot përballet me probleme të ndryshme nga ato të viteve '90.

Megjithatë, nevoja për një orientim të qartë politik mbetet po aq e rëndësishme. Pikërisht këtu duhet të ndërtohet kauza kryesore e LDK-së.

Udhëheqja e partisë duhet të marrë përgjegjësi për zvogëlimin e polarizimit brenda saj, përmes bisedimeve dhe debateve.

LDK-ja nuk mund të kërkojë  votën e qytetarëve nëse vetë përceptohet si e përçarë.

Kauzat e partisë

Kauza kryesore e LDK-së duhet të jetë mbrojtja e Republikës përmes respektimit të Kushtetutës dhe zgjidhjes së ngërçeve politike vetëm brenda kornizës kushtetuese.

Lidershipi duhet të mbajë qëndrim të qartë dhe parimor në çdo proces bisedimesh dhe të konsultohet me deputet që janë të zgjedhur.

Lideri nuk duhet t'i paraqesë deputetët para aktit të kryar dhe ti ngarkon si përgjegjës për dërgimin e vendit në zgjedhje vetëm sepse ata kundërshtojnë veprimet që i konsiderojnë jokushtetuese. Përgjegjësia për mos krijimin e institucioneve nuk mund t'u ngarkohet gjashtë deputetëve të një partie.

A ndodhet LDK-ja në udhëkryq për shkak të lidershipit?

Reforma pas vitit 2021 tregoi se rikthimi është i mundshëm. Por faza e ardhshme është shumë më e vështirë: kalimi nga rikuperimi të fitorja.

Kjo kërkon lidership të besueshëm, përgjegjësi, hapje të partisë dhe, mbi të gjitha, një projekt politik që shkon përtej strukturave dhe elektoratit tradicional të LDK-së.

Pas çdo procesi zgjedhor, udhëheqja e LDK-së krijon pritje, por shpesh e zhgënjen elektoratin me vendime dhe qëndrime të paqarta. Ky cikël duhet të marrë fund.

Historia e LDK-së është kapital i jashtëzakonshëm në historinë politike të Kosovës, por historia nuk i fiton automatikisht zgjedhjet.

LDK-ja duhet ta ruajë trashëgiminë e Ibrahim Rugovës, por njëkohësisht duhet të krijojë kauzat e veta për Kosovën e sotme.

Sot, pyetja vendimtare nuk është se çfarë ishte LDK-ja dikur.

Pyetja është:

Çfarë dëshiron të bëhet LDK-ja nesër dhe përse duhet ta besojë qytetari?