Sevdail Hyseni: Pazari politik
Satirike
Pazari
politik
Po çmenden shqiptarët,
jo për bukë, dije, dinjitet,
por kush të zërë kolltukun
për t’u ulur në Parlament.
Si kërpudhat pas shiut,
dalin premtimet politike,
u dalldisën kandidatët
me buzëqeshje plastike.
Çdo parti “shpëtimtare”,
me ca liderë “profetë”,
sapo të kapin timonin,
e harrojnë popullin krejt.
E ne prapë brohorasim,
pas Flamurit “kaltërosh”,
fryhen deputetët tanë
me barkun sa një kosh.
Sikur të vepronin unikë
për shtet e për drejtësi,
s’do të mbeteshim të ndarë
nëpër “bajraqe” e parti.
Se shqiptari, për çudi,
siç kanë thënë të vjetrit:
Kur humb vetë zgjedhjet,
ia thyen këmbët tjetrit!
(Karikatura marrë nga
interneti)
Satirike
Pordhi kali!
(Sipas motiveve popullore)
Pordhi kali n’derë të honit,
thanë: “Ishte i shkodranit!”
Por shkodrani bani be:
“Kali im për besë e fe,
nuk ka pordhë prej si ka le!”
Kurse këndej në Luginë...
pordhët kali bubullimë,
Madje thuhet me tamam,
pela Allxhë e la një nam.
Njëherë moti në Medvegjë,
e shqelmoi dhëndrin Rexhë,
nga xhelozia fort e vrazhdë,
e la të vdekur mu në grazhd.
Kur po bëhej gati dhëndër,
u tret dasma si një ëndërr,
mbeti nëna pa djalë n’shtëpi,
dhe nusja pa kurorë e nusëri.
Nga satira del një mësim,
çdo mesele ka kuptim:
- Pordha e kalit zhurmon,
shqelmi i pelës të gozhdon!
Të Tjera
