Shyqyri Fejzo: Fusha e Korçës dhe tokat e rajonit meritojnë kujdesin e specialistit Vasfi Sherifi

Fusha e Korçës prej 22.500 hektarë dhe tokat e fshatrave të gjithë rajonit e meritojnë kujdesin dhe vemendjen e specialistit e bisnesmenit Vasfi Sherifi

Në stadin e zhvillimit të vendit, krahas arritjeve në disa sektorë prioritarë, e themi që në fillim se zhvillimi i bujqësisë ka jo pak probleme që ky sektor kryesor për çdo ekonomi, fshat, rajon e shtet të zejë vendin që i takon përcaktuar nga kërkesat e ligjeve ekonomike dhe nevojat jetike të vetë popullatës.Të meta e dobësi mund të radhitnim shumë, të cilat tangent apo drejt për drejt janë atakuar nga shtypi, media apo politika. Në këtë shkrim nuk do ndalemi e "të qajmë"për ato. Le ti shikojë ato organet kompetente, duke përcaktuar dhe drejtimet e prioritetet, që kjo degë e rëndësishme e ekonomisë të zejë vendin që i takon. Ky problem është bërë më shumë se i domosdoshëm për zhvillimin normal të ekonomisë.

E theksojmë që në titullin e shkrimit.Fusha e Korçës me 22.500 hektarë tokë, si dhe fshatrat për rreth, e kanë "hak" kujdesin dhe vemendjen e specialistit dhe bisnesmenit Vasfi Sherifi. Me të drejtë lind pyetja:  Cili është dhe çfarë ka bërë ky intelektual e bisnesmen që duhet të shkruajmë për të?

Bisnesmeni Vasfi Sherifi duke dhene interviste

Vasfi Sherifi është agronom, fermer dhe sipërmarrës shqiptar i njohur, me bazë në fshatin Pojan dhe në qytetin e Korçës. Ai është i specializuar në prodhimin e farërave, kultivimin e drithërave dhe eksperimentimin me varietete të ndryshme të patateve në fushën e Korçës dhe Maliqit.

Të shkruash për Vasfi Sherifin, e themi që në fillim se ai është i lidhur direkt në formën e një "simbioze" të pa zgjidhëshme, me vendlindjen e tij, Pojanin.

Vasfiu në Pojan u lind, u rrit u shkollua në vitet 1962-1970 në shkollën 8/vjeçare të vendlindjes. Në vitet 1970-1974 në shkollën e mesme Bujqësore "Bardhyl Pojani" Pojan. Në vitet 1974-1978 në  Institutin e Lartë Bujqësor Korçë (ILB).Në vitet 1978-1979 diplomimi në (ILB) dhe fillimi i punës në KTL Pojan.

Hodhëm pak dritë në shkollimin e Vasfiut dhe fillimin punë si agronom, në fshatin e tij. Kjo ishte ana profesionale, por ai si një i ri dinamik dhe me horizont të gjërë profesional e shkencor, fitoi besimin e njerëzve, të cilët e propozuan dhe mbështetën në disa detyra shoqërore, si: Nga viti 1984 -1991 kryeagronom i KTL Pojan. Këto kanë qënë vitet ( 1984-1985) kur në KTL Pojan u morën rendimente 64-65 kv /ha grurë në një sipërfaqe prej 720-730 ha. Në vitin 1991 zgjidhet nga populli i Pojanit ( jo nga komiteti i partisë) kryetar i KTL Pojan dhe njëkohesisht i propozuar nga Pojanakët dhe zgjidhet deputet i parlamentit të parë pluralist shqiptar deri në pranverë të vitit 1992 .

Parcella eksperimentale me grure

Nga viti 1992-1993 si puntor krahu ne Itali dhe nga viti 1993 deri sot si tregëtar i imputeve Bujqësore në rrethin e Korçës. Sot subjekti i tij emërtohet Agrovas -She me qendër Korçë dhe dy pika tregëtimi po në Korçë dhe në Pojan një qendër të prodhimit , përpunimit të farave dhe shërbimit njëkohësisht të fermerëve për rreth e më gjërë . Nga viti 1998-2006 ka qënë i zgjedhur kryetar i KASH ( Këshilli i agrobiznesit shqiptar ) për rajonin e Korçës dhe njekohësisht anëtar i bordit kombëtar i KASH . Po ashtu prej vitit 1998 e deri sot është i zgjedhur kryetar i AFADA ( shoqata e tregëtareve të plehrave kimike dhe imputeve bujqësore ) për qarkun e Korçës dhe njekohësisht anëtar i bordit kombëtar të AFADA . Kjo është një CIVI e Vasfiut e pasur në të gjitha planet.

Parcella  e mbjelle  me patate "Agria"  dallohet

Nga biseda e zhvilluar me të, për këto arritje ai u ndal  në dy momente kyç të cilat i ka mbajtur në vazhdimësi parasysh në veprimtarinë e tij.

Së pari:Qartësia e mendimit në çdo veprimtari, të çastit dhe të perspektivës. Qartësinë e mendimit ja ka dhënë shkolla, përgatitja profesionale si  dhe situatat që evoluan pas ndërrimit të sistemeve ekonomiko-shoqërorë dhe veprimi konkret i ligjit të vlerës.

Së dyti:Këmbëngulja për të realizuar objektivat e vëna. Dhe po të shikosh realisht veprimtarinë e tij lidhur me këmbënguljen, Vasfiu e zbaton atë në shumë plane. Ajo që njihej deri dje, sot është e pamjaftueshme. Sidomos par farërat (Të grurit, të patates,misrit, perimeve etj) Vasfiu jo vetëm studjon se cila farë duhet të përdoret, por shkon konkretisht në shtete ku mund ti gjejë, si  në Holandë, Francë, Gjermani etj.kontraton dhe i sjell në depot gati për shpërndarje. Pa ndërprerje punon me specialistë e mjeshtra prodhimi për të bërë të njohura vetitë e farave të reja si dhe nevojat që ka zhvillimi i bimëve në të gjitha fazat.

Ne magazinat e bisnesit me Vasfi Sherifin

Një moment tjetër i rëndësishëm që bie në sy në punën e tij është edhe njohja e fermerëve me cilësitë e farnave e veçanrisht atyre të reja. Për këtë çështje ai ka  dhe rezervat e tij."Pak interesohen për të rejat. Ja. Kam gjithë atë literaturë dhe falas e shpërndaj, po nuk ka shumë interes për njohje."Thotë ai.

Për zhvillimin e bujqësisë, punën me tokën, rritjen e rendimentit e prodhimit, sidomos shitjen e prodhimit nga fermerët, Vasfiu ka mendimet e propozimet e tij. Dhe ato konkluzione dhe propozime kanë një vlerë të pallogaritshme. Ato nuk janë mendime që jepen nga Exkatedra, apo nga emisione televizive që jo rrallë flasin veresie, si drejtuesit e emisioneve dhe të quajturit opinionistë. Po të flasim për kriter të vërtetës, tek veprimtaria e Vasfi Sherifit, do gjejmë të vërtetën. Së pari ai me profesionin e agronomit, nuk braktisi fshatin, as mjetin kryesor të prodhimit bujqësor, tokën. Vepron në një rreth relativisht të madh e me  peshë për bujqësinë.Merret më të rejat shkencore bashkëkohore në këtë fushë. Në praktikën e tij shumëvjecare të bisnesit, nuk është afruar për të përfituar tendera e benefite të tjera nga shteti ( megjithëse i plotëson shumë kritere)Pra përveç përfitimit të naftës si gjithë fermerët biles shumë me pak nga sa i ka takuar për tokat që marim me qera nuk ka përfituar asnjë qindarkë). Mardhëniet financiare i ka të shëndosha. Nuk ka asnjë lloj detyrimi dhe nuk ka përdorur asnjë lloj kredie. Tehu kryesor i vemendjes tij tashmë është fermeri, prodhimi bujqësor, si të ritet, si të shfrytëzohen të gjitha mundësitë dhe faktorët për këtë qëllim.

Është kënaqësi e veçantë të shikosh punën ,sakrificat dhe aritjet e fermerëve të suksësshëm si Astrit e Flamur Xhangolli Sovjan, Gurkazi Nezirit Pojan , Irfan dhe Arzen Nurçes Biranj, Edmond dhe Ervin Dalipit Dërsnik ,Astritit dhe Bledi Kadillit Bulgarec , Manol Dinkallarit Porodinë , Ordit Vreshtas etj që janë të shumtë.

Lloje te misrit dhe te patates te eksperimentuara

"Veç kësaj unë duke pasur mundësinë që çdo ditë të kontaktoj me fermerë të qarkut tonë i njoh shumë më tepër shqetësimet e tyre dhe bëj sa mundem për ti ndihmuar pa llogaritur asnjë herë përkatesinë politike , por ndërkohë duke qënë me këmbë në tokë duke shkelur vetë fushave shikoj , vlerësoj por dhe përcjell mangësitë aty ku mendoj se mund të dëgjohem." Midis të tjerave, kjo thënie e Vasfiut është edhe një nga "sekretet e magjishme" të punës së tij. Dhe drejt për drejt ai vazhdon: "Prandaj mos e marë dikush për mungesë modestie nqs shprehem se nuk kam nevojë të më këshillojë dikush që nuk e njeh aspak bujqësinë . Respekt për njerzit e punës sidomos për fermerët e mrekullueshëm të qarkut tonë".

Bie dakord me të gjithë që mendojnë se ky vendi ynë i vogël po të kishte pasur qeveri të përgjegjshme dhe efiçente nga dy krahët e politikës , po të kishte menaxhuar mirë resurset e krijuara deri në vitin 1990 sidomos në bujqësi, theksoj këtu diga në përrenj e lumenj dhe rezervuarë në çdo zonë të vendit, rjete kanalizimesh ujitje e kullimi etj potenciale në mbështetje të prodhimit bujqësor sot në fshatrat shqiptare plaga e largimit brenda dhe jashtë vendit do ishte më e vogël.

Ballafaquar konkretisht me realitetin e sotëm Vasfiu apelon për disa dukuri të cilat janë kontradiktore dhe pengojnë zhvillimin e bujqësisë.

Tani rendom në studio të gjithë tv në gazeta dhe fb vihet ulurima se qytetet dhe fshatrat në Shqipëri po boshatisen sikur kjo situatë të jetë e muajve të fundit dhe harohen plot 36 vjet .Dhe me absurdja është se thrasin më tepër shkaktaret nga gjithë krahët .

Prandaj unë pyes dhe nuk kërkoj pergjigje:

Si ka mundësi që drejtues emisionesh ( të ikur vetë nga fshatrat apo qytetet etj) të vënë kujen se "fshatrat e qytetet tona po boshatisen."? Alarmi për këtë problem është i madh për arësye se dhe nga të dhënat demografike dalin "shifra ulëritëse"ku vetëm rreth 5 përqind e popullsisë prezente në vend merren me bujqësinë. Bisnesmeni apelon në një problem të cilit nuk i duhet shkuar anash, po të vihet gishti mbi plagë. Është e vërtetë se thelbi i sistemit ku jemi është ekonomi tregu, kërkesë-ofertë, por është mëkatë që mbi 25 përqind e popullsisë që merrej me bujqësi e blegtori siguronte vetë nevojat jetike të familjes dhe çfarë mbetej e çonte në treg. Po sot? Blen fermeri "zanatin" e vet  të ardhur nga importi, për të cilin mos flasim për cilësinë e çmimet e tij.

Gjithëçka duhet kërkuar tek prioritetet që janë vendosur e synohet. Dega bazë e ekonomisë është bujqësia. Turizmi ka rolin e tij. Po nga turizmi, praktika tregon se nuk pasurohet popullsia. Turizëm të zhvilluar ka në Spanjë, Portogali etj.po njerëzia atje nuk është e pasuruar nga kjo degë. Në disa vende ku nuk ka emigracion masiv, prioritet i është dhënë bujqësisë sidomos me financimet reale. Në se do të shikonim këtë problem në vendin tonë, Vasfiu thekson:"Si ka mundësi që në skemat e subvecionit për bujqësinë qysh në hartimin e tyre të ketë pikpyetjen e mos përfitimit nga fermerët.?

Duke u marrë seriozisht me bisnesin  e tij, Vasfiu në punë e sipër, rëndësi të veçantë u kushton modeleve në çdo ekonomi dhe kulturë,për të cilat shpërndan dhe farërat përkatëse, imputet etj. Ka ardhur koha që përvojat positive të përgjithësohen e të bëhet një punë më e madhe e gjithëpërfshirëse në këtë drejtim. Por kjo shpesh bëhet jonë drejtimin e duhur.

Lloje te ndryshme perimesh ne eksperimentim

Ja, mendim direkt i Vasfiut:

"Si ka mundësi që studiot të tv të ndryshme të ftojnë vetëm persona që nxijnë gjithçka dhe nuk thonë vetëm një diçka pozitve , kujt i shërben ky emision.? Dhe më tej vazhdon:"Si ka mundësi që Televizioni Shqiptar Shtetëror ku paguajnë taksa dhe fermerët e këtij vendi të mos ketë një emision për bujqësinë.? Mund të themi pa u gabuar se bisnesi AGROVAS-SHE që është pronë dhe drejtohet nga specialist Vasfi Sherifi në rajonin e Korçës është një model i cili flet shumë dhe si i tillë, ka vend të përgjithësohet dhe përhapet më tej. Vetë Vasfiu nuk ka doza pesimizmi e besimi. Ja si shprehet ai: "Mund të them se konstatoj në rajonin tonë se ka fermerë të rinj në moshë që punojnë dhe jetojnë në fshatrat e tyre , që kanë investuar në mjetet e punës dhe përkarshi një tregu të pa kontrolluar nga shteti kanë mundur të sigurojne të ardhura për mos emigruar . E njëjta gjë nuk mund të thuhet për shumicën e tyre .

Po ashtu mund them se ne disa fshatrat të fushës së Korçës e Maliqit janë kthyer pak të rinj nga emigracioni dhe i janë përkushtuar punës në bujqësi sidomos në kultivimin e perimeve.

Unë do vazhdoj të besoj , unë shoh dritë në fund të tunelit , unë dua ta shikoj bujqësinë me ngjyra siç është në të vërtetë por dhe me rezultate më të mira për ata njerëz që do vazhdojnë të punojnë në fshat.

Unë besoj se qelizat prodhuese që janë krijuar nga disa fermerë novatorë e guximtarë që kanë shtuar siperfaqet e mara me qera do shumohen në të ardhmen dhe do behën nje faktor "opozitar" i fuqishem perkundrejt qeverive apatke e indiferente ndaj fshatit e bujqësisë. Deshiroj mirkuptim! "

Shyqyri Fejzo

Hamburg-Gjermani Shtator 2026