Visar Zhiti & Eda Agaj Zhiti: Skicë e 30 Gushtit dhe përqafimet pa mbarim…
SKICË
E
30 GUSHTIT
DHE
PËRQAFIMET PA MBARIM…
…Ca
vija e harqe të shpejta si urimi, si frymëzimet, piklat e bukura të syve,
vetullat dhe një tufë kaçurrelash mbi to sikur të këtë rënë pak ëndërr dhe
kapuçi i bebit - copëz qielli, doçka që lëviz aq ëmbël dhe copat diellore të
ditës, e gjitha kjo mbi një gazetë, po vizatonte Maestro Ibrahim Kodra, siç e
kish zakon me miqtë, ja, firma e tij “si një vizatim më vete” - siç i thoshte
Picasso, dhe ti e ke tënden tashmë këtë vepër, dhuratë çasti, dhe më dukej se
ishte lajmi më i bukur në të gjitha gazetat e botës asaj dite: kishte lindur
një fëmijë! - dhe ja, portreti i tij i pëllumbtë, kur kishte mbushur 1 vjeç dhe
dinte të qeshte…
…Dhe
pastaj, kur ai të ishte rritur, aq i bukur si çdo adoleshent dhe bëhej gati për
në universitet… të nxjerrësh nga iPfone i tij imazhe për këtë ditë, përqafimet
e mëdha me mamin dhe me babin, se gjithmonë mbetesh biri, edhe kur bëhesh shok
me ta, çfar?do që të sjellë e ardhmja…
Janë
në shtëpinë tënde, përqafime plot gëzim dhe dhimbje të bukur, njëri vjen si më
fluturues, arrin qiejt gjithë gaz, tjetri ka dhe forcën e jetës, mendim dhe
dramë, gjithsesi praruar me buzëqeshjen tënde.
Gjej
dhe përqafime të tjera, ashtu gjithë dashuri, por unë desha të thosha se e kam
kuptuar që edhe përqafimi kërkon dije si dhe shpirt dhe atë mister të veçantë,
hyjnor, për të mbetur i përjetshëm.
Dhe
mrekullisht ti na e mësove duke na e dhënë…
E & V
Të Tjera
