Idriz Zeqiraj: Pani-i armiqësor ndaj fëmijëve të Presidentit Rugova!

Ukë Ibrahim Rugova, kandidat për deputet të Kosovës

PANI-I  ARMIQËSOR NDAJ FËMIJËVE TË PRESIDENTIT RUGOVA!

Subjektet politike të koalicionuara në PAN,  kanë qenë dhe mbetën gjithëherë armiqësorë ndaj Presidentit Rugova dhe LDK-së së Tij. Ato nuk u mjaftuan me fyerje e sharje, për ta denigruar politikisht, por kanë provuar edhe eliminimin fizik të Rugovës. Kurdisja e atentatit me tritol, përgjatë shkuarjes në takimin me zyrtarin e lartë evropian, Havier Solana, ka dy arsye që nuk harrohet:

1) Atentatorët janë zbuluar dhe askush nuk është marrë në përgjegjësi;

2) Organizatorët janë fytyra publike, madje edhe deputetë!

Rastet tjera të sulmeve, me synime vrastare, janë të njohura dhe po kursehem të mos i përsërisë.

Mëria, urrejtja e PAN-i, edhe pas shuarjes të Rugovës, vazhdon të jetë aktive. Armiqtë e Rugovës i pengon lavdia, dashuria dhe respekti i shqiptarëve botërorë, për Presidentin historik.

Andaj, duan zvetënimin dhe degradimin e figurës markante të Rugovës, tani përmes fëmijëve të Tij. Pan-i, me SHIK-un e tij kriminal, kurdisën akuzën "e shitjes të vizave" nga djali, Ukë Rugova. Ndërkohë që ishin agjentët e SHIK-ut, ata që ia kishin ofruar personat, për t`i ndihmuar për marrjen e vizave në Ambasadën italiane.

Ashtu siç rrëfen edhe vetë Ukë Rugova, "personat shfrytëzuan njohjen time, me zyrtarë të Ambasadës, si djalë i Rugovës, për t`i  ndihmuar për viza. Nëse dikush tjetër ka bërë pazare, pa dijeninë time, këtë nuk e di". Drejtësia e kapur nga PAN-i, vazhdoi zvarritjen, ndër vite të hetimit, pastaj të gjyqit, duke e mbajtur peng pinjollin Rugovë!

Radha e goditjes i erdhi Teutë Rugovës. Edhe ajo u bë kurban i babait të saj, Ibrahim Rugovës. Shantazhi ishte i rëndë sa bjeshka: "Të votosh qeverinë e arnuar të Ramush Haradinaj, përndryshe vëllai, Ukë Rugova, do ta pësojë keq!"

Dilemë e tmerrshme! Vendimi i partisë, LDK-së, ishte kundër. Megjithatë, Teuta u dorëzua! Mendoni gjendjen e saj mendore dhe shpirtërore!! Thonë se "motra për vëllain, bënë më shumë, se sa vëllai për vëllanë".

Për çudë, në mesin e 120 deputetëve, u shenjëstrua Teutë Rugova, vajza e vetme sugare e Ibrahim Rugovës!?

Qoftë kurdisja e akuzës kundër Ukë Rugovës, qoftë shantazhi i egër ndaj Teutë Rugovës, është vepër burracakësh të liderëve të PAN-it. Synimin është i qartë, për ta goditur, degraduar, edhe pas amshimit, të figurën madhore të burrështetasit më të madh në historinë e Shqiptarisë, Presidentit Dr. Ibrahim Rugova, i cili, për nga rëndësia historike, nuk ka ndërmjetës, që nga Gjergji ynë i Mesjetës.

Mendoni vetëm për një çast: A do të vepronte në këtë më mënyrë Dr, Rugova, me fëmijët e këtyre "liderëve xhuxha" të PAN-it?! Përgjigja e prerë: "Asnjë herë dhe kurrën e kurrës!" Sepse Rugova ishte burrë sa i traditës aq edhe bashkëkohor.

Ibrahim Rugovën e njoha në Shkollën 8-vjeçare, ndërsa në Shkollën e mesme e kisha shok klase. Edhe atëherë rrezatonte mirësjellje, dashuri dhe respekt për njerëzit, fisnikëri të lindur, që e shquante nga të tjerët. Kushdo që i njeh nga afër fëmijët e Presidentit Rugova, ashtu siç i njoh unë, ata kanë trashëguar, jo vetëm shumëçka, por gjithëçka nga babai biologjik i tyre: Të urtë, të sjellshëm, të dashur dhe gjithë respekt e dashuri për njerëzit.

Përgjimin, përndjekjen e babait Rugovë, nga armiqtë e Tij, lakmitarë të pushtetit, që nuk e arrinin me votën demokratike, u harbuan deri në tërbim, duke i maltretuar deri në vrasje: ushtarakët luftëbërës, kuadrot dhe veprimtarët e  LDK-së të Ibrahim Rugovës, e përjetuan rëndë edhe fëmijët e tij, pothuaj se, në burgun shtëpiak.

Fëmijët e Rugovës, u rritën në kushte terrori të dyfishtë:)

a) Të pushtuesit fashistë serbo-sllav;

b) Të bandave ultra komuniste envero-staliniste, të cilët, veç tjerash, e gjuajtën me armën luftarake "zolla" rezidencën e Presidentit Rugova, brenda se cilës jetonte edhe Familja Rugova!

Një krim ekstrem banditesk, gjithnjë i dirigjuar nga kupola pushtetare e shtetërore të asaj kohe, nga më të zezat, errëtake dhe sakajshëm të turpshme, në historinë më të re të Kosovës. Krejt e njëjtë me regjimin kriminal dhe rrugaçëror, të diktatorit më të urrejtur dhe më gjakatarë të popullit shqiptar, për afro gjysmë shekulli radhazi, veglës serbo-ruse!

Bërrylaxhinjtë e dikurshëm, bisht e patericë, të PAN-it, uzurpatorë të partisë të Presidentit Rugova, nuk treguan përkujdesje për fëmijët e Rugovës, madje i mbajtën larg afrimit në strukturat partiake, ashtu siç dëshironin armiqtë më të egër të Rugovës.

Për më tepër, klani i Isa Mustafës, bëri koalicione të përsëritura me PAN-istët, duke shpërfillur vullnetin e popullit, elektoratit, anëtarësisë, Këshillin e Përgjithshëm, Grupin e Deputetëve, madje as të Kryesisë të LDK-së.

Ukë Rugova kandidat për deputet në Parlamentin e Kosovës. Ai u prit me dashuri dhe admirim, në takimin përmbyllës zgjedhor në qytetin e Istogut. Emri i tij ngriti në këmbë të pranishmit, të mallëngjyer për travajat që përjetoi Familja Rugova edhe pas amshimit të kryezotit familjar, Ibrahim Rugova.

Thirrja e Vjosë Osmanit, bartëse e listës të LDK-së: "Na jipni një shansë, për të kontribuar në drejtimin dhe ndërtimin e shtetit të Kosovës", ishte një nga slloganet më të gjetura të kësaj fushate zgjedhore.

Kryetari i LDK-së, Lumir Abdixhiku ka bërë premtimin dhe zotimin solemn, se "do t`i kthehemi frymës dhe metodës rugoviane të zgjedhjeve partiake:

1) Debat të shpenguar demokratik nga anëtarësia;

2) Zgjedhje të fshehta dhe demokratike, madje në të gjitha nivelet e strukturave të partisë, që nga baza e deri tek organet drejtuese të LDK-së".

Pikërisht për këtë, kandidatja për presidente, Vjosë Osmani, përsëritë në vijimësi emrin e Presidentit historik, Dr. Ibrahim Rugovës, si frymëzim i shqiptarëve të përbotshëm.

Dhe, kjo qasje demokratike zgjedhore brenda partiake, do të jetë e vetmja shpresë, për ngritjen, madje në perspektivë, edhe fitoren e LDK-së, dikur krenare dhe kryezonjë e Kosovës.

Profilizimi i të djathtës të Kosovës, do të jetë krye-kauza e LDK-së. Kjo qasje për bashkimin e të djathtës, do të jetë një shtysë dhe vlerë, për ngritjen dhe rritjen e bashkimit djathtistë, respektivisht, të LDK-së.