Florim Zeqa: Ndëshkoni politikanët pa etikë njerëzore!

Ndëshkoni politikanët pa etikë njerëzore!

Të dashur qytetar të Republikës së Kosovës dhe mërgimtar kudo që ndodheni në botën mbarë, mos u ndikoni nga politikanët pa etikë dhe pa ndjenja njerëzore! Politikanët karrierist dhe pa etikë njerëzore, pa fije turpi ju përqajnë për qëllimet e tyre djallëzore, duke lëvizur nga njëra parti në tjetrën, duke ju lënë të ndarë dhe të përqarë vëllaun me vëlla, fqiun me fqinjë, mikun me mik, dajën me nip...!

Politikanët pa etikë njerëzore nuk e kanë as problemin më të vogël pse ju bashkatdhetarë të dashur sot nuk flisni njëri me tjetrin, ata pa fije turpi e ndërrojnë 'gzofin' qysh të ndryshon moti (politika)!

Politikanët karrierist të cilët nuk e kanë problem përqafimin me armikun, duhet ta kishin problem përafrimin dhe ballafaqimin me popullin! Që i bie, se duhet t'ia kenë frikën votës së qytetarëve (mërgimtarëve).

Politikanët karrierst që arrijnë të bëhen milionerë brenda një mandati politik duhet t'ia kenë frikën ligjit dhe drejtësisë vendore, e para së gjitha do duhej të ndjeheshin të turpëruar për t'i kërkuar votën qytetarëve që i varfëruan dhe ua vranë shpresën dhe ardhmerinë në vendlindjen e tyre!

Siq e dini ju lexues të këtyre rreshtave, këtyre viteve të fundit nuk e kam mbështetur asnjë subjekt politik në fushata zgjedhore, njëjtë do të veproj edhe në zgjedhjet e 7 qershorit, zgjedhje krejtësisht të panevojshme dhe skajshmërisht të dëmshme për vendin!

Madje në zgjedhjet e 28 dhjetorit 2025 kam abstenuar edhe nga votimi, si mundësi të vetme për ndëshkimin e kësaj klase politike pa etikë njerëzore!

Në mungesë të një alternative të re politike, qytetarët e dëshpruar, të ndarë dhe të përqarë si asnjëherë më parë, do ta kenë të vështirë të dalin tek kutitë e votimit më 7 qershor 2026.

Megjithatë, zgjedhjet janë e vetmja mundësi për ndryshime në demokraci, dhe janë e vetmja mundësi për t'i ndëshkuar politikanët karrierist dhe hipokrit, mashtrues dhe lakmitarë, sharlatan dhe zuzarë që hiqen patriot, por janë pseudo vlera të shoqërisë sonë!

Nuk ke si i quan ndryshe ata që e dërgojnë vendin çdo gjashtë muaj në zgjedhje duke e dëmtuar buxhetin e shtetit me dhjetra milionë euro dhe duke e rënduar edhe më tutje jetën e qytetarëve më të devotshëm të trojeve etnike!

Në pamundësi për të realizuar projektin tim politik, Alternativa Demokratike për Ndryshim (ADN) për zgjedhjet e 7 qershorit, mbetëm me shpresën dhe besimin në ndihmën tuaj që në zgjedhjet e radhës ta ndryshojmë komplet 'faqen politike' me ndershmëri, atdhedashuri, sinqeritet, besueshmëri dhe përkushtim të fuqishëm njerëzorë për ta bërë shtetin e Kosovës, të dashur dhe tërheqës për të jetuar dhe për t'i riatdhetsuar mërgimtarët që janë shpirti i atdheut.