Alma Lama: Çfarë duhet bërë për të shmangur një revolucion të dhunshëm në Shqipëri?

Çfarë duhet bërë për të shmangur një revolucion të dhunshëm në Shqipëri:

1. Qeveria dhe Kryeministri të japin dorëheqje.

2. Të zgjidhet një qeveri teknike, e përbërë nga ekspertë dhe intelektualë, për ta qeverisur vendin deri në zgjedhjet e ardhshme. Presidenti duhet të emërojë një personalitet jopolitik, i cili më pas do të krijojë kabinetin qeveritar me ekspertë. Qeveria duhet të votohet në Parlament.

3. Qeveria teknike dhe Parlamenti aktual duhet të marrin vendim për ndalimin e dhënies së të gjitha lejeve të ndërtimit për një periudhë të caktuar në të gjithë territorin e Shqipërisë.

4. Të shfuqizohen ligji për zonat e mbrojtura, ligji për investimet strategjike dhe Paketa e Maleve.

5. Të ndryshohet Kodi Zgjedhor. Shqipëria të ndahet në 3–4 zona zgjedhore, ndërsa diaspora të përbëjë një zonë zgjedhore më vete. Listat të jenë të hapura, pragu zgjedhor të jetë deri në 1%, t’u jepet mundësia listave qytetare të marrin pjesë pa barriera burokratike, vota të jetë nominale deri në tre kandidatë, të garantohet përfaqësimi gjinor me kuotë 40%, ndërsa votat e akumuluara në rang vendi të përkthehen në mandate.

Modeli i Kosovës me një zonë të vetme zgjedhore nuk mendoj se është më i miri, pasi në një territor më të madh lidhja midis deputetit dhe votuesit bëhet pothuajse e pamundur.

Zgjedhjet duhet të shpallen brenda gjashtë muajsh nga miratimi i Kodit të ri Zgjedhor, proces i cili nuk duhet të zgjasë më shumë se një muaj.

Qeveria teknike është zgjidhja më e përshtatshme për të parandaluar një krizë të rëndë politike dhe shoqërore në Shqipëri.