Kastriot Dervishi: 80 vjet nga pushkatimi i opozitës së parë

80 vjet nga pushkatimi i opozitës së parë

Më 3.7.1946 u ekzekutuan anëtarët e Koalicionit Demokratik: Qenan Dibra, Sami Çeribashi, Talat Drini, Hivzi Golja, Tut Mëniku, Xhahit Koka, Mehmet Beshiri, Shaban Balla, Ali Kavaja, opozitës së parë shqiptare që përbëhej nga grupet monarkiste, të rezistencës dhe ai socialdemokrat. Të ekzekutuarit u përkisnin dy grupeve të para. Në procesin e madh të zhvilluar në Tiranë bënin pjesë edhe opozitarë të tjerë që morën dënime të gjata me burgim si: Musine Kokalari, Anton Dukagjini (i vjetri), Enver Hasa, Prof Çoka, Abdulla Muça, Gjergj Kokoshi, Nefail Skikuli, Kolë Rodhe, Reis Hasho, Qemal Biçakçiu, etj. Disa prej të dënuarve vdiqën në burg. Përgjithësisht opozitarët ishin nëpunës dhe ushtarakë që nuk shiheshin me sy të mirë nga regjimi komunist. U ekzekutuan një ditë pas mbarimit të vizitës së E.Hoxhës në Jugosllavi. Prandaj edhe fjala e fundit e tyre ishte pothuajse e njëjtë në thelb: Rroftë Shqipëria me Kosovën. Ata kërkuan te misionet e huaja shtyrjen e zgjedhjeve dhe organizim të rregullt të tyre.