Abas Fejzullahi: Dita e parë e mësimit plotësues në gjuhën shqipe
28.11.2009, 07:12 PM (GMT+1)
28 Tetori 2009 në Rolle të kantonit Vaud fillon me të mbarë, dita e parë e mësimit plotësues në gjuhën shqipeNga Abas Fejzullahi
Në College de Martinet bashkia e Rollit të kantonit Vaud, më 28 tetor fillon mësimi plotësues shqip me një paralele për herë të parë.
Zonja Ganimete Gashi, si prind dhe aktiviste e dalluar, me punën e saj në vazhdimsi e në bashkëpunim me mësuesen Burbuqe Ahmetaj, me sukses organizuan takimin, në Rolle të kantonit Vaud, më 7 tetor 2009, me prindër, nxënës dhe mësimdhënës, si vendorë dhe nga LAPSH “Naim Frashëri në Zvicër.
Zonja Ganimete aktivitetin e saj në vazhdimësi e ka zhvilluar në kontekte me prindër, sidomos me gra, ku gjet përkrahje edhe te institucionet vendore, e sidomos përkrahte dhe ndihmonte vazhdimisht mësuesja që punon në Gjenevë zonja Claire de Goumoëns, dhe gjatë diskutimeve që u zhvilluan në këtë takim, si përfundim ishte se janë bërë përgatitjet për të hapur një paralele me nxënës me mësim plotësues në gjuhën shqipe, dhe nga folsëit që u paraqiten vërehej një interesim për shkollën shqipe, si nga ana e prindërve pjesëmarrës poashtu edhe pjesëmarrësit e kantoneve të LAPSH ”Naim Frashëri” nga Gjeneva, zotni Agim Paçarizi dhe Solothurni, korrdinatori Abas Fejzullahi, si mbështetje dhe përkrahje kësaj nisme mjaft me rëndësi për fëmijët e mërgimtarëve tanë, të cilët jetojnë dhe punojnë në këtë bashki, dhe jep shpresa se numri i nxënësve do të shtohet vazhdimisht në të ardhmen.
Mësuesja Burbuqe Ahmetaj, shkurtimisht foli për gatishmërinë e saj për të filluar mësmin më 28 tetor, ndërsa kordinatori i LAPSH” Naim Frashëri” për kantonin Vaud, zotni Musa Pali, njëherit dhe mësimdhënës, falënderoi zonjën Ganimete për punën e bërë, dhe mësuesen Buruqe, lidhur me aktivitetin e tyre dhe parapërgatitjet e bëra për fillimin e mbarë të mësimit plotësues shqip më 28 tetor.
Zonja Ganimete Gashi, përveç se kishte zhvilluar një aktivitet në vazhdimësi, dhe organizuar takimin me prindër e me nxënës, dhe përkrahës vendorë më 7 tetor, kishte përgatitur për të gjithë të pranishmit një darkë me gatime shqiptare dhe të vendorëve, ku pjesëmarrësit ngrënën dhe pinë duke zhvilluar biseda për rëndësinë e shkollës shqipe e format dhe mënyrat e bashkëpunimit në trekëndëshin mësimdhënës-prindër-nxënës.
28 tetori është një ditë gëzimi dhe hareje për nxënësit, mësuesen dhe prindërit e bashkisë së Rollit, filimi i mbarë i mësimit plotësues në gjuhën shqipe.
Tani nxënësit, mësuesja dhe prindërit e bashkisë së Rollit kanë përse të gëzohen dhe krenohen, e në veçanti të gjithë ata që punuan për hapjen e kësaj klase...
Lajme të tjera
Lajme Popullore
