Bilall Maliqi: Intervistë me Drejtorin e Shtëpisë së Kulturës në Preshevë z. Naser Nuredini

INTERVISTË  ME  DREJTORIN  E  SHTËPISË  SË  KULTURËS 

 “ ABDULLA  KRASHNICA “  NË  PRESHEVË  Z. NASER  NUREDINI

 

KULTURËN DUHET KULTIVUAR NË VAZHDIMËSI

 

Nga Bilall MALIQI

 

Shtëpia e kulturës “Abdulla Krashnica” në Preshevë kohëve të fundit u ballafaqua me ndërrime drastike të udhëheqësve.Prej vitit 2005 e tutje u ndërruan dy drejtor të kësaj shtëpie akoma pa i mbushur mandatet e tyre, njëri me tri vjet ushtrues detyre dhe tjetri me një vjet punë në këtë shtëpi që promovon kulturë.Shkaqet që më shtyen të bëjë këtë intervistë me drejtorin e ri të kësaj shtëpie z. Naser Nuredini ishin pikërisht disa interesime për shpjegim para opinionit, për këtë problematikë dhe për pyetje tjera me interes pë kulturën  tonë, e që z.Nuredini me dëshirë iu përgjigj kësaj interviste...

 

 

Kohë më parë  subjekti  juaj  politik ju  ngarkoi  me  detyrën e drejtorit  të  shtëpisë   së  kulturës , na thuani  se  në  çfarë  gjendje  e gjetët  këtë  institucion  kulturor ?

 

 

     - Si  rezultat  i  krijimit  të një shumice  të  re në  udhëheqjen komunale , unë  që  nga  fillimi  i  muajit  korrik u  caktova  në  funksionin e  u.d. të  drejtorit të  këtij institucioni. Me  profesion  jamë  ekonomist  i  diplomuar  kurse  politikisht  vijë  nga  radhët  e Partisë  Bashkimi Demokratik  i Luginës  por  thellësisht  i  bindur  se përkatësia  partiake  nuk  guxon  të  ndikojë  në  asnjë mënyrë  në  ndonjë  punë  apo  veprim  të  njëanshëm në  këtë  institucion . Sa  i  përket  gjendjes  në  të  cilën  e gjetëm këtë  institucion  unë  mendoj  se kjo  tanimë  botërisht  është  e njohur  për  të  gjithë  ; me  infrastrukturë  të  filluar  kaherë  dhe  të  papërfunduar  ende , flas  për  objektin  e  shtëpisë  së  kulturës ,  me  mungesë  të  paisjeve  teknike që  janë të  nevojshme  për  punë , me  llogari  të  boshatisur  financiare , por  gjithnjë  me  shpresë në  tejkalimin e  këtyre  vështërsive që  kultura  të  marrë dhe  të  ruaj  vendin  e  merituar  në  shoqëri.

 

Kultura

 

Naser Nuredini

Çfarë  na  thuani  për  rrjedhat  kulturore  deri  tani në  komunën  tonë  kur  ju nuk                                      ishit  drejtor ?

 

    -Ne  jemi munduar  që  të  përcjellim  për  së  afërmi  të gjithë   aktivitetet dhe punët që

ndodhin  jo  vetëm  në  këtë   institucion   kulturor  por  edhe  në  organizatat  dhe  institucionet tjera të  komunës  , por  meqenëse  është  fjala për  rrjedhat  kulturore  , unë  do  të  thoja  se edhe  kultura  është  reflektim  i  gjendjes  momentale  nëpër  të  cilën  kalon popullata  jonë , me  të  gjitha  vështërsitë  dhe  problemet  me  të  cilat  përballemi për  çdo  ditë drejt  ruajtjes  ,  kultivimit  dhe  avansimit  të  kulturës  në  përgjithësi . Nuk  guxojmë  të  jemi  të  kënaqur  asnjë  herë me  të  arriturat  në  kulturë sepse vazhdimisht  ekziston  diçka e paarritshme, po  në  këto  kushte  dhe  rrethana në  të  cilat  jetojmë  dhe  veprojmë.

 

 

Çka  mendoni – “ çka  do  të  thotë  kultura  për  një  komb” ?

 

-Unë  mendoj  se  kultura  është  shpirti  i  një kombi –  dihet  se shpirti sipas  një  thënie  nuk  vdes  kurrë .

 

Viteve  të  fundit  u  bënë  ndërrime  drastike të  udhëheqësve kulturor në  këtë  shtëpi , mos  vallë kultura  pakashumë  është  politizuar ?

 

     -Unë  nuk  do  të  thoja  se  janë  bërë  ndërrime  drastike , por  janë bërë  ndërrime  që  i janë përgjigjur   realiteteve të  krijuara  nga  vullneti  i  lirë .Kulturën  nuk  e  prodhon  udhëheqësi  i  këtij  instutucioni  por  ai  duhet të  dijë  të menaxhoj  dhe  të  jetë  gjithnjë në  shërbim  të  atyre  që  prodhojnë  kulturë dhe  ate  jo  të  një  lëmie  apo  sfere  të  kulturës sepse  kultura  është  shumë  e  llojllojshme dhe  shumë  e  begatshme. Me  rëndësi është që  në  udhëheqësin  e  institucionit të  kulturës  mos   të  shiqohet  nga  prizmi  politik , por  në  një  njeri  që  duhet  të  jetë   i  hapur  për  të  gjithë  ata  që  interes   kanë  kulturën , kuptohet  gjithnjë duke  pasur  parasysh  mundësitë  financiare pa  të  cilat  sot  nuk  mund të  bëhet  kulturë.

 

Angazhimi

       

Tani  jeni  njeriu  i  parë  i  kulturës  në  komunën  tonë , na  thuani  sa  do  të  jetë  angazhimi  juaj  për  të  ecur  përpara  kultura  në  komunën  tonë?

 

      -E  thashë  edhe  më  parë jo  njeriu i  parë  i  kulturës por  njeriu  i  parë  në  shërbim  të  kulturës , duke  u  munduar që t’i  jipet  hapsirë të  gjithë  atyre  që   interes  kanë  kulturën  dhe  jetojnë  për  kulturën  , por  jo  edhe  për  ata  që  në  kulturë  shohin  vetëm  anën  materiale , sepse  më  besoni mundësitë  i  kemi  tepër  të  kufizuara kurse  nevoja  për  të  mbajtur gjallë  kulturën  është  më  shumë   se  kurdoherë  më  parë .Këte e them  duke  u  mbështet në kushtet  dhe  rrethanat  që  mbretërojnë në komunë  dhe  rajon të  cilat  janë mjaft të  ndërlikuara dhe  të  them  edhe  të  tendosura . E  para  që  rrezikohet  në  këto  rrethana është  pikërisht  kultura  , andaj  duhet  bërë  çmos  që  të  mbajmë   gjallë  aktivitetet kulturore  sepse  me  këte  mbajmë  gjallë  vetveten.

 

Në  kuadër  të  shtëpisë  së  kulturës  është  edhe  klubi  letrar “Feniks”, a  mendoni se  kanë  qenë  aktiv dhe  sa  do  ta  përkrahni në  të  ardhmen  këtë institucion  legjitim  letrar ?

 

     -Unë vetëm përshëndes  punën  dhe  aktivitetin  letrar të  Klubit “Feniks”i  cili në gjirin  e  vetë  tubon të  gjithë  entuziastët e  penës ,e që  sikur  e  tërë  kultura  ballafaqohen  me  shumë  probleme të  natyrave  të  ndryshme  e  në  rend  të  parë të  natyrës  financiare  me  shpresë  në  tejkalimin  e  tyre  në  një të  ardhme  të  afërt  për  të  krijuar  mundësi  më  të  mëdha  si  të  Klubit  letrar “Feniks” ashtu  edhe  të  kulturës  në  përgjithësi. Normalisht që puna dhe  bashkëpunimi  nuk  guxon  të  ndërprehet në  asnjë mënyrë  por  gjithnjë me  një  mirëkuptim  të ndërsjelltë për  situatën  dhe  rrethanat me  të  cilat  do  të  ndeshemi . Unë jam i  bindur se  këtu do  të  kemi  mirëkuptim.

 

Ndërtesa   e  shtëpisë  së  kulturës  në  brendi  ende nuk  është  finalizuar , na   thuani  kur  presim  që  një  ditë ta  shohim  të  kompletuar  ?

 

    - Po, ky  është  problemi  që  na  përcjell  me  vite ndaj  të  cilit  duhet  të  kemi  një  përgjigje  adekuate . Shtëpia  e kulturës  mjerisht  është   e  dekoruar  nga jashtë  por  aty  ku   zhvillohet  kultura , infrastruktura ,  vazhdon   të  mbetet në  gjendje  jo  të  mirë . Shpresoj  në   mirëkuptimin nga  ana e  udhëheqjes politike që  këtë punë  ta  përfundojmë disi dhe  të  bëjmë  aftësimin dhe kompletimin  me  të  gjitha  pajisjet  e  nevojshme që  i  nevojiten  një  institucioni  kulturor ,në  mënyrë  që  të mos  ndodhë derisa të  përfundojmë objektin nga  brenda, të  fillojë  të  amortizohet  nga jashtë. Kjo ndoshta  edhe më  shumë ndërlikohet duke  qenë  të  vetëdijshëm për  situatën  e  cila  sot  mbretëron në  nivelet  edhe  më të  larta të  shoqërisë ku  mundësitë  financiare çdo  ditë e më  shumë  janë duke  u  kufizuar dhe  vështërsuar.  

 

Vizioni  i punës  suaj  gjatë mandatit  tuaj    drejtor i  shtëpisë  së  kulturës .

 

    -Të  krijojmë  një  infrastrukturë të  arsyeshme për  aktivitet kulturor , të ofrohen  të  gjithë ata  që profesion  kanë   kulturën   kuptohet  të  të  gjitha  lëmive  të kulturës dhe  me  projekte  adekuate të  na  bëjnë  të  mundëshme që  të  konkurojmë për të  siguruar mbështetjen  financiare  të  këtyre  projekteve në  nivele  të  ndryshme  të  pushtetit  e që  këto  projekte të  na  shërbejnë si  programe  të  rëndësishme  për  të  marrë  pjesë  në festivale ,  manifestime  , recitale  dhe  akademi  të  ndryshme ,  që  në drejtorin , gjegjësisht udhëheqësin  e  shtëpisë  së kulturës  mos  të  shiqojnë  në  bazë  të   kriterit  politik  por  në  një  njeri  që  bënë  shërbim  në  kulturë , sepse udhëheqësit  shkojnë  e vijnë  kurse  kulturën  duhet  kultivuar  në vazhdimësi. Nëse  arrijmë  t’i kuptojmë  këto  gjëra  mendoj se mund  të  bëjmë  diçka  në  këtë  lëmi  aq  të  rëndësishme  të  jetës , por  kuptohet  vetëm bashkë .