Halit Bogaj: Poemë për Skënderbeun

Halit Bogaj

Poemë për Skënderbeun

Është ky emër kuptimplotë

Skënderbe Gjergj Kastriot

Ka jetuar nëpër kohra

Nga mesjeta deri sot

2

Trimi i madh Skënderbe

Luftë ka bërë për atdhe

Me armikun ballëpërballë

Ndeshej shpesh heroi i rrallë

3

Shpata e tij në Belvederë

Është krenare si çdo herë

N’ Austri ajo pushon

Trimërinë na e dëshmon

4

Emri i tij me nder- lavdi

S’ do t’ harrohet n’ histori

Kur armikun e sulmonte

Mbarë natyra gjamë lëshonte

5

Në fitore ai na çonte

Ardhacakët i shkatërronte

Mposhti shumë ekspedita

Që u dilte nëpër prita

6

Luftat ishin strategjike

Në beteja heroike

Shumë bejlerë e pashallarë

Arratinë e kishin marrë

7

Por kur vdiq Gjergj Kastrioti

Ndër luftarët më i zoti

Turqit morën hajmali

I shpërndanë eshtrat e tij

8

Dhe kudo gjamët ushtonin

Skënderbeun kur e kujtonin

Edhe Leka flokët nxirrte

Kryetrimin kur e thirrte

9

Çka të bëjmë thoshte pa Ty

Që të kishim dritë e sy

Që na solle ti lavdinë

Bashkë me të edhe lirinë

10

Lufta jote ishte nder

Për shqiptarin tash të mjerë

Kemi mbetur ne jetimë

Pa Skënderin zemërtrim

11

Që na bëri aq krenarë

Në tërë botën si shqiptarë

Dhe kështu gjamët lëshonte

Leka i ashpër tek vajtonte

P.S. Kjo poezi u shkrua në shenjë proteste ndaj disave që përpiqen ta minimizojnë figurën legjendare të kryetrimit tonë.

Zemra Shqiptare

Halit Bogaj: Poemë për Skënderbeun