Një përshëndetje për Kozeta Zylon nga Luan Cipi?

Motra e vogël, Këze,
Kur isha ne Kanada dhe takova nipin dhe mbesën (fëmijët e vajzes) erdhi atje edhe djali im nga Cikago, me Nikun, djalin e tij 3 vjeçar, të lindur në Amerikë. U dëshpërova shumë se, fëmijët e vajzës, kishin harruar shumë fjalë të shqipes dhe i gjenin ato me vështirësi, ndërsa Niku më kuptonte, kur i flisja shqip, po e kish më të lehtë të përgjigjej anglisht.
Këto mendova kur, sapo lexova reportazhin tuaj te bukur, mbi përfundimin e shkollës per femijte shqiptare në Staten Island, Nju Jork dhe e çmova shumë vepren tuaj të madhe patriotike. E lexova porosine dhe mallkimin e Fishtës:

"Pra, mallkue njai bir Shqyptari,
qi këtë gjuhë të Perëndis',
trashigim, që na la i pari,
trashigim s'ia len ai fmis;
edhe atij iu thaftë, po, goja,
që përbuzë këtë gjuhë hyjnore;
qi n'gjuhë t'huej, kur s'asht nevoja,
flet e t'veten e lèn mbas dore".

E kopjova dhe ua nisa shpejt fëmijve të mi emigrandë, me porosi që të kujdesen për të dalë jashtë ndikimit të mallkimit të këtij shenjtori.
Edhe njëherë jufaleminderit per punen e madhe e te dobishme qe beni per te mesuar dhe per te ruajtur te pahumbur gjuhen e bukur shqipe, te brezat e rinje ne Amerike! Shembulli juaj dhe i zotit Qemal Zylo na frymezon. Ju pershendes!

Zemra Shqiptare

Një përshëndetje për Kozeta Zylon nga Luan Cipi?