Agim Drenica: Vargje satirike

Agim Drenica

VARGJE SATIRIKE - HUMORISTIKE

DY DESH

Pak pa rënë terri
- kah bëhet natë ,
hapen komjuterët
dhe u futen ne çat.

Hyn me "nik"
- jo me emer ,
njëri mashkull
tjetri si femër !

Biseduan e biseduan
- u kënaqen ne çat ,
ku s'hyn e ku s'dolën
- gjithë natën e gjatë.

Vetëm ne mëngjes
- e morën vesh ,
asnjeri s'ishte femër
por qe të dy' desh ...!

CILIT I BESON ?!!

Nastradini n'oborr
e dëgjoi një za ,
doli shpejt e shpejt
kush thirri - me pa .

A u qove - Nastradin
- tha fqiu para dere ,
ç'e mirë t'solli kojshi
ç'kërkon kësaj here ?!!!

Ti , vëlla Nastradin
mua ma din hallin ,
me duhet për punë
ta kërkoj - gomarin!

Ti e din - kojshi
kurr nuk ta kam ndalë,
por sot s'e kam këtu
e kam lëshuar n' malë .

Për sherr gomari
n'at qast pëllet ,
Nastradinit i drejtohet
- fqiu i vet :

Pse m'the s'është këtu
n'mal ka shkuar gomari,
ia dëgjova zërin
në stallë që palli !

Nastradini i tha fqiut
qe ishte ndreq si hu ,
ti a po i beson gomarit
- a po me beson mu' !!!

Morschwiller le bas , Francë

Zemra Shqiptare

Agim Drenica: Vargje satirike - humoristike