Poezi nga Ekrem Ajruli

IKU

koha e luftëtarëve
në skenë dalin “komandantët”
n’pushtet ngjiten matrapazët
n’politikë prijnë diletantët

sot dihet mirë
kush pi e kush ha
horri flet për moral
hajduti bëhet evlija.

AH

moj gojë e bekuar
ndale hovin boll gllabërove
nga makutëria e tepruar
pak si tepër më ngarkove

mos më shaj lum prapanica
faj ka barku që të ri përmbi
urdhëron ai e sjellin duart
unë kam urdhër veç të gri.

Njëqind emra më kanë vënë
Unë s’i mbaj dot të gjithë
Për një jam e sigurt
E di se e kam emrin bythë

Le të m’quajnë si të duan
Zuzë, vithe, bythë prapanicë
Për lakmi të karrieristëve
unë bie sakrificë

Zemra Shqiptare

Poezi nga Ekrem Ajruli