Zemra Shqiptare
https://www.zemrashqiptare.net/
https://www.zemrashqiptare.net/
| E shtune, 30.05.2009, 05:05 PM |
Yllka Sheqiri në Festivalin e filmit të shkurtër artistik “Alfredgalan 2009” në Sölvesborg të Suedisë u nderua me çmimin për aktrim në filmin saj “Në pus pa fund”.
Yllka me çmimin e festivalit
Krijuesja e re Yllka Sheqiri, autore e dy përmbledhjeve poetike në gjuhën suedeze ”Jag lyssnar inte alltid” ( Unë dëgjoj jo gjithmonë) 2005 dhe ”Men” (Por) 2008 e prezentuar në përmbledhjen antologjike Via Mystica /Përmes mistikës/ nga autorët Jonas Eek, Stefan Klint, Beata Åhrman-Ekh në botim të shtëpisë botuese Verbum si dhe në antologjinë ”Revansch 2008”, botim i Shtëpisë Botuese ”Skrivarsidan” dhe Vullkan. Me krijimet e veta Yllka është prezentuar edhe në librin shkollor ”Urat tona” si dhe në disa antologji të tjera.
Yllka Sheqiri, poete, studente e dramës, filmit dhe skenarit është një krijuese që premton shumë jo vetëm në fushën e letërsisë, por edhe të dramës e të filmit.
Këtë e dëshmoi me filmin e saj të shkurtër artistik të realizuar vitin e kaluar me titull “Në pus pa fund” skenarin dhe regjin e të cilit i bëri vetë dhe ku rolin kryesor e luan vetë. Me këtë film ajo konkuroi në Festivalin e filmit të shkurtër artistik “Alfredgalan 2009” që u mbajtë më në Solvesborg të Suedisë. Juria e këtij fesivali nga mbi tridhjetë filma zgjodhi 15 për konkurim dhe në mesin e tyre edhe filmin e Yllkës. Pas shfaqjes së filmave juria profesionale e festivalit ndau shpërblimet në shtatë kategori.
Dhe atë për; skenarin, aktrimin, filmin junior, filmin senior, fotografinë, videomuzikën dhe zgjedhjen e publikut . Ku Yllka Sheqiri u nderua me çmimin për rolin e Violes në filmin saj “Në pus pa fund”.
Juria gjatë prezentimit të motivimit tha se ishte loja e shkëlqyeshme shumë emocionale e Yllkës në rolin e saj që edhe pse në gjuhë tjetër, këtë rast në gjuhën shqipe, na emocionoi shumë. Prandaj në këtë kategori nuk e kishim vështirë për të zgjedhur rolin më të realizuar e aktrimin më të mirë.
Pas kumtimit të lajmit nga Juria e Festivalit, Yllka e gëzuar pasi falenderoi për çmimin, deklaroi:
- Ky është një çmim që unë nuk e prisja, aqë më tepër në këtë film ku unë kam shkrirë shumë mund si skenariste dhe si regjisore. T’u them të drejtën, e ndjeva veten shumë të kënaqur kur filmi u pranua të shfaqej si film konkurues në këtë festival. Ky ishte gëzimi dhe kënaqësia ime e parë por, kur përcolla të gjithë filmat konkurues kisha një ndjenjë që filmi im nuk do të kalonte pa ndonjë vëmendje nga juria profesionale e festivalit. Të jem e sinçertë unë paksa e prisja ndonjë çmim për skenar e
ventualish ndoshta për regji, por se do të shpërblehem si artistja më e mirë e këtij festivali as që më ka vajtur mendja. Sido që të jetë, çmimet janë çmime... Ato kanë kënaqësinë e vetë, dhe kjo kënaqësi përjetohet nga kushto. Unë këtë çmim e përjetova shumfish; Është filmi im i parë artistik i metrazhit të shkurt pas të cilit unë qëndroj si skenariste dhe si regjisore, pastaj është film në gjuhën shqipe dhe film ku unë marrë çmimin e festivalit për lojën më të mirë si aktore. Gëzim vërtetë i madh për mua që më mbushë shpirtrisht dhe që më jep elan për punë të më tejshme.
Yllka Sheqiri e gëzuar pas marrjes së çmimin për aktrim në filmin saj “Në pus pa fund”.
Festivali i dhjetë jubilar i filmit të shkurtër artistik “Alfredgalan 2009” në Sölvesborg të Suedisë për koincidencë kaloi në frymë shqiptare. Në te u shfaq edhe një film shqip “Në pus pa fund” , i një regjisoreje dhe skenaristeje shqiptare Yllka Sheqirit e cila edhe u vlerësua me çmimin e festivalit për aktrimin më të mirë, dhe ky çmim iu dha një shqiptareje. Por për kënaqësinë dhe krenarinë shqiptare në Suedi konferencier në këtë festival ishte aktori i ri e shumë i talentuar i Teatrit të Stokholmit Bashkim Neziraj i cili u vlerësua lartë nga të pranishmit dhe nga shtypi ditor për udhëheqjen e mrekullueshme të kësaj mbrëmje të festivalit.
Dhe në momente të tilla çdo shqiptari i vjen të shpërthei nga gëzimi e kranaria: ” O sa mirë me qenë shqiptar!” /bsh/