Cikël poetik nga Ekrem Ajruli

ELITA

Ky popull i lashtë
Ka shpirtin e madh
Gjoksin sa Ballkani
Zemrën si livadh

Në te hedhin valle
Engjëjt edhe djalli
Zemra e këtij populli
Është si bunari

Hyjnë e dalin fqinjët
Si në vetëshërbim
Njëri mbjell ngatërresa
Tjetri thërret pajtim

Ne rrimë e dëgjojmë
Sy e vesh bërë gapërr
Me shpresë tek  elita
Pushtetarët këmbëgjarpër

SHEBEKU

Prinë në vallen
e shejtanit
një shebek sekretar

dorë e zgjatur
e laramanit
marionetë
e klasit parë

këtë dykëmbësh
ekzotik
ku se mbjellë
aty e korrë

bythë e brekë
është bërë sot
me Iblisin drejtor

OAZA

Oaza e paqes
Është parajsa vetë
Për derra të pangopur
Ngujuar n’kabinet

Oaza e gjarpinjve
Risi historike
Dora e hajdutëve
Ka forcë magjike

Oaza e kleptomanëve
Ka dhe kafazin
Për bark-uriturit
Kur u prishin avazin

Oaza e nepërkave
Rezervat dembelësh
Xhenet sylugatësh
Arenë kriminelësh