Mexhid Yvejsi: Kur mendoj për Kosovën

Mexhid YVEJSI, Gjakovë

KUR MENDOJ PËR KOSOVËN

Kur mendoj për Kosovën
Kurrë s'më tradhton
Shpresa e madhe
Për pranverën e pritur
Në dimrin e gjatë
Një shekull...

Kur mendoj për Kosovën
Përtej Atllantikut
Udha ime
Ka një cak:
Përulje, bindje,
Vetëm Krijuesit,
Për emrin tonë
Djersë, gjak...

Kur mendoj për Kosovën
Diçka ndodhë përherë
Atje larg,
Këtu afër,
Mbi tokë,
Nën tokë,
Në truallin ilir...