Gjon Keka: Krizat politike si gurë pengese, Kosova nuk ka kohë për të humbur

Krizat politike si gurë pengese, Kosova nuk ka kohë për të humbur

Nga Gjon Keka

Zhvillimi i situatës politike në Kosovë ka marrë një kthesë që justifikon shqetësim serioz. Nuk ka mungesë shenjash për këtë, shihet qartë se ata që merren me politikë dhe qeverisjen e vendit në Kosovë nuk po arrijnë të kuptojnë thelbin e politikës si art dhe kompromiseve të domosdoshme. Disa vajtojnë krizën që ka shpërthyer, deklarojnë se duhet bërë shumë energjikisht dhe urgjentisht, por, meqenëse nuk specifikojnë se çfarë duhet bërë, ata qëndrojnë të pafuqishëm para krizës. Të tjerë ngushëllohen duke numëruar arritjet e tyre, siç pretendojnë ata, të shumta dhe të konsiderueshme në qeveri dhe parlament, dhe duke treguar shumicën e supozuar parlamentare dhe respektimin e parimeve të demokracisë dhe ligjit e kushtetutshmërisë. Duhet pranuar se kjo punë e merituar, nëse jo tërësisht, ka kontribuar në situatën aktuale. Shumica parlamentare e ka provuar veten herë pas herë si pakicë në votime të rëndësishëm dhe ekzistenciale për të ardhmen e Kosovës në mënyrë që të evitoheshin krizat dhe hyrja me dy këmbë në lloqin e krijuar nga gjithë akterët politikë sëbashku.

Nga ajo që u pa sëfundi me rastin e zgjedhjes për president ose presidente dhe dështimit për të krijuar kuorumin e nevojshëm ,përfshirë zëra të shumtë nga të dy krahët e shfaqën fytyrën e vërtetë të tyre se ata në fakt dëshirojnë vazhdimin dhe intensifikimin e vazhdueshëm të politikave që krijojnë krizën; por duhet ditur se një përsëritje e krizave të tilla dhe moskorrigjimi e vetëdijësimi i klasës politike dhe qeverisëse në vend do të mund shumë lehtë Kosova të kalojë nga një shtet i vogël në rritje e forëcim në një grusht-shteti që do të hedhte Kosoven në konfuzion të maadh saqë do të mund të lëkundte edhe bazat ligjore deri edhe te pengesat për funksionimin e rregullt kushtetues të vendit. Të gjithë duket se bien dakord se ekziston një krizë serioze politike dhe nuk është hera e parë kjo dhe se shteti i Kosovës kërkon një politikë të fuqishme qeveritare, e cila, megjithatë, duhet të marrë masa të rëndësishme pa vonesë,përndryshe apetite për t'u ushqyer vazhdimisht nga krizat do të rriten, nëse nuk ndalen specialitete në tavolinën politike dhe lojërat e atyre që nuk e njohin artin e politikës dhe kompromisit.

Askush nuk e ngrit zërin se këto lëvizje të brendshme në Kosovë, nga të cilat lindin rreziqe për shtetin e Kosoëvs dhe të ardhmen e saj si dhe shoqërinë aktualisht, ka të ngjarë të kishin mbetur thjesht faza në zhvillimin e një shteti që duhet pranuar, është mjaft i veçantë në shumë aspekte, nëse pushtetarët e Kosovës do t'i kishin njohur dhe adresuar ato me kujdes në kohën e duhur. Përmes keqmenaxhimit, përmes kënaqësisë dritëshkurtër me qëllimet e vogla të një politike qeveritare të pamatur, ato janë shndërruar në rreziqe serioze që kërcënojnë si shtetin e Kosoëvs ashtu edhe kushtetutën dhe të ardhmen e saj në rrugën e natyrshme europiane.

Në kundërshtim me natyrën e shtetit të Kosovës, i cili, si pak të tjerë, kërkon për prosperitetin e saj një zhvillim të kujdesshëm, por të pandërprerë, të bazuar në reforma të shëndosha, qeveritë e Kosovës në këto dekada të fundit e konsideruan detyrën e tyre kryesore të ndërmerrnin masa të vogla, paliative, madje edhe në çështjet më të rëndësishme, që dukeshin se ofronin lehtësim të përkohshëm. Kjo dukej më e lehtë sesa gjetja e një zgjidhjeje të plotë për një kohë të gjatë, e cila në përgjithësi do të kërkonte rrugën e vështirë të legjislacionit,të ndryshimeve kushtetuese në rastin e zgjedhjes së presidentit direkt nga populli si dhe seriozitetin moral dhe vendosmërinë e qartë nga ana e atyre që ishin dhe janë tani në pushtet.

Nevojat e rëndësishme dhe afatgjata të shtetit dhe shoqërisë së Kosoëvs u neglizhuan, madje u keqpërdorën për qëllime të përkohshme dhe të vogla politike - një politikë e tilë joserioze, pa vizion e pa urtësi në mënyrë të pashmangshme çoi në mosfunksionim serioz politik dhe shkaktojë kriza të herë pas hershme. Gjatë kësaj periudhe, lindën probleme të reja. Shteti i Kosovës më në fund ra në gjendjen e mjerueshme në të cilën ndodhet aktualisht. Në një kohë kaq të turbullt globale Kosova si shtet do të duhet të ishte vigjilente ,plotë mend, kujdes e vëmendje ,sepse askush nuk ka kohë të merret me lojërat e saj dhe krizën e saj, bota demokratike tani është në dhimbjet e lindjes së Rendit të ri ndërkombëtar dhe deri sa t'i vendosen këmbët këtij Rendi, Kosova do të duhet të qëndronte e fokusuar në bashkëlindjen e këtij Rendi të ri ndëkombëtar që edhe ajo të ketë zë diku aty nëse dëshiron të jetë pjesë e dinamikës së botës demokratike dhe të civilizuar.

Me këto kriza të njëpasnjëshme politike Kosova si shtet po bëhet tokë e përshtatshme për krizë,kaos dhe vendënumrim. Krizat politika janë si gurë pengese që ndalin zhvillimin normal dhe shpejtësin e integrimit të Kosovës në Bashkimin Europian , anëtarësimin në NATO dhe organizata tjera ndërkombëtare. Kosova nuk ka kohë për të humbur, jo një ditë, por asnjë sekond e lëre më javë, muaj e vit.

Më shumë se çdo shtet tjetër, Kosova si shtet e shoqëri ka nevojë për një sistem politik e ligjor të palëkundur, të paprekur nga çdo konsideratë politike e partiake dhe apetiteve të saj të mëdha apo të vogla.

Një shtet apo shoqëri sikur është Kosovë tani në këtë situatë tregon se ajo po bëhet një fenomen në historinë politike të saj që prodhon kriza,kaose, mosgatishmëri të pushtetarëve dhe të disa akterëve politik në vend për të qenë miq të jetës kushtetuese etj.