Albert Habazaj: Ç’u bë hëna?...

Ç’U BË HËNA?...

Këngë e përvajshme për Millkën e dr. Llukë Gjidede

Nga Albert Habazaj

Lajm i zi në moshë të bardhë

Del nga Doktor Lluka

Pse, o lajm i zi ke ardhë

Në shpirt dot s'e futa.

Nuk futa dot në shpirt

Jo, s' ma nxinte zemra

Shpirt i Millkës bëftë dritë

Në kujtesë e ëndrra.

Ta pohoj nuk kam dëshirë,

Zot, pse atje lart

More mollën më të mirë

Pse mollën e artë?...

Pikëllim ka vajza, djali

Se u iku nëna

S' del sot dielli maj' malit

Se i humbi hëna.

Ç’u bë hëna, ku ka rënë

Vallë kush e ka parë,

Syri diellit i është zënë

Bujar, duke qarë

Qan fisniku edhe ngrihet

T’i bëjë dritë dritës,

Llamburit me besë e s’fiket

E sheh maj’ e Çikës...

Vlorë, e hënë 29 Dhjetor 2025