Kastriot Dervishi: Komisioni i festimeve të 25-vjetorit të vetëqeverimit

Komisioni i festimeve të 25-vjetorit të vetëqeverimit

Nga Kastriot Dervishi

Me vendimin nr.95, datë 23.1.1937, Këshilli i Ministrave vendosi formimin e një komisioni të përbërë nga:

-Teki Selenica, anëtar i Këshillit të Shtetit

-Pandeli Nase, drejtor i Seksionit Politik në Ministrinë e Punëve të Jashtme

-Sotir Papakristo, drejtor i Institutit "Nana Mbretneshë"

-Lasgush Poradeci, profesor

-Qemal Butka, inxhinier në Ministrinë e Punëve Botore

-Mati Logoreci, profesor, botues

Me VKM nr.202, datë 16.2.1937, në komision u shtuan edhe:

-Eqrem Vlora, deputet

-Kolë Rodhe, inspektor i Ministrisë së Punëve të Brendshme

-Odise Paskali, profesor

-Karl Gurakuqi, profesor

-Parashqevi Qiriazi

Komisioni u mblodh më 2.3.1937 në Ministrinë e Punëve të Brendshme, në prani të ministrit Musa Juka. Kryetare e komisionit u zgjodh Parashqevi Qiriazi dhe sekretar Odise Paskali.

Në mbledhjen e datës 5.3.1937 u caktua skema e programit të festimeve të 25-vjetorit të vetëqeverimit.

Festimet e vitit 1937 mbeten më të veçantat në gjithë historinë e shtetit. Në asnjë kohë tjetër nuk u arrit një organizim i tillë kaq i përsosur.