Milazim Zeqiraj: Përparim Rama, nga kandidatura e befasishme e LDK dëri te drejtimi i kryeqytetit me qytetarë

Përparim Rama, nga kandidatura e befasishme e LDK dëri te drejtimi i kryeqytetit me qytetarë

Nga Milazim Zeqiraj

Një vlerësim qytetar për qeverisjen e kryeqytetit: midis pengesave politike dhe zhvillimit të kryqytetit.

Si qytetar i Kosovës dhe banor i Prishtinës, e shoh të nevojshme të ndaj mendimin tim për qeverisjën e kryetarit të Komunës së Prishtinës.

Perparim Rama kandidat pa ngjyrim politik

Perparim Rama në vitin 2021,  nga kryetari i LDK-së, z. Lumir Abdixhikut edhe pse nuk ishte anëtar i LDK-së u kandidua për kryetar të Prishtinës.

Perparim Rama vjen nga një shkollë perëndimore e arkitekturës dhe me përvojë profesionale në vendet perëndimore. Përsonalisht kam respekt për rininë tonë që në Perëndim arrijn të konkurojën në hap me standardet moderne prendimore.

Qëllimi i këtij shkrimi nuk është të vlerësoj karrierën e tij profesionale jashtë vendit, por qeverisjen e tij në kryeqytet.

Një kandidaturë e pavarur, strategji e re e LDK-së

Në zgjedhjet parlemetare të vitit 2021, LDK kishte pësuar humbje në zgjedhjet. Nga ato zgjedhje vendi qeverisej nga Lëvizja Vetëvendosje.

LDK në zgjedhjet lokale për të parin a Prishtinës, vendosi të kandidojë me një kandidat të pavarur, me z. Perparim Rama i cili në zgjedhje e muar besimin e qytetarve ndaj kandidatit të LVV-së, z. Arben Vitia – një figurë karizmatike që kishte fituar besimin e qytetarëve gjatë pandemisë COVID-19.

Z. Rama kërkoi votat e LDK-së edhe pse nuk ishte anëtar i saj, ndërsa LDK-ja e mbështeti kandidaturën e  vet, një përson të pavarur– një vendim i pazakonshëm për këtë parti.

Shpresa e LDK ishte se një kandidat pa parti do të fitonte përkrahjen e qytetarëve në kohën e polarizimit të thellë politik ndërmjet LVV-së dhe LDK-së, dhe do të ndihmonte z. Rama në fitore dhe nëbrealizimin e projekteve të mëdha për Prishtinën pa pengesa nga niveli qendror, që qeverisej nga LVV-ja.

Ky kalkulim  rezultoi i suksesshëm në fitorën e z. Përparim Rama i cili në balotazh fitoj besimin qytetar për ndryshim dhe profesionalizëm.

Prishtina mes përplasjes politike dhe pengesave nga qeveria qëndrore

Dihet se LVV-ja, parti e dalë nga strukturat e LPK-së, që nga fillimi ka qenë e pozicionuar kundër LDK-së dhe presidentit historik Ibrahim Rugova.

Pas vdekjes së presidentit Rugova, sulmet ndaj LDK-së dhe ndaj z. Isa Mustafa nuk pushuan.

Kjo e bën të qartë pse LVV-ja nuk e përkrahu qeverisjën e z. Perparim Rama, vetëm pse ai ishte propozuar nga LDK.

Në fakt, qeverisja e Prishtinës nga LDK – nën udhëheqjen e z. Isa Mustafa – ishte ndër më të suksesshmet, sidomos për përmirësimin e infrastrukturës, ndërtimin e sheshit “Nënë Tereza” dhe ngritjen e bustit të presidentit Rugova.

Gjatë mandatit të parë të të qeverisjës së Prishtinës nga Z. Shpend Ahmetit nga LVV, sipas deklaratave të tij në media, së ati ti ishte bërë presion nga z. Albin Kurti për rrënimin e bustit të Rugovës në shesh – që, për fat, nuk ndodhi dhe respekt për z.Ahmeti.

Fillimi i qeverisjes Rama: përpjekje dhe bllokada

Që në ditët e para të qeverisjes, z. Rama u përball me pengesa nga qeveria qendrore e LVV-së në realizimin e projekteve të mëdha të Prishtinës, që duhej të financoheshin nga niveli qëndrorë.  Mos financimi i atyre projekteve krijoj vështirësi në realizimin e planeve zhvillimore të qytetit.

Projektet e financuara nga buxheti lokal përfundonin me sukses, ndërsa projektet që kërkonin mbështetje nga niveli qendror – si Unaza e Madhe, Unaza e Vogël apo Rruga A – janë vonuar, duke krijuar pakënaqësi të qëllimshme tek qytetarët.

Po ashtu, projekti i zgjerimit dhe ndërtimi i sheshit “Gjorgj Bush” – një hapësirë qëndrore e kryeqytetit, që bashkon objekte interesante si Radio Prishtinën, Fakultetin Filozofik, Biblotekën Kombëtare, Katedralen “Nënë Tereza” dhe bustet e figurave kombëtare, duke filluar nga Hasan Prishtina, Ibrahim Rugova dhe Fehmi Agani u kriju zhurmë dhe ndalesë pa arsye të qartë.

Rezultatet konkrete dhe fryma e qetë e qeverisjes

Një kryetar nuk vlerësohet nga premtimet që jep, por nga veprat që lë pas.

Z. Perparim Rama, në këto vite të qeverisjës, i ka dhënë Prishtinës një frymë të re:

infrastruktura është përmirësuar dukshëm, rrugët dhe lagjet po marrin pamje moderne, edhe fshatrat janë afruar me qytetin përmes rrjeteve të reja rrugore.

Në arsim janë ndërtuar shkolla dhe çerdhe të reja, megjithëse nevojat mbetën të mëdha.

Janë bërë përmirësime në shëndetësi, sport dhe jetë kulturore.

Në aspektin kulturor dhe turistik, veçohet festivali Sunny Hill, i cili ka vendosur Prishtinën në hartën ndërkombëtare të ngjarjeve muzikore, falë bashkëpunimit me këngëtaren Dua Lipa.

Po ashtu, është dhënë përkrahje për zhvillimin e fshatrave, bujqësisë dhe blegtorisë – sektorë që mbeten burim jetik për shumë familje të komunës.

Ajo që e dallon më shumë qeverisjen e Ramës është mënyra e qetë dhe e paanshme me të cilën ka udhëhequr.

Ai ka ulur ndjeshëm polarizimin politik në Komunë, institucione e shkolla, duke dëshmuar se zhvillimi i qytetit nuk ka ngjyrë partiake.

Sfidat që mbeten dhe pritjet për mandatin e ardhshëm

Prishtina vazhdon të përballet me probleme të trashëguara si menaxhimi i mbeturinave, qentë endacakë, trafiku urban dhe infrastruktura rrugore.

Megjithatë, mënyra si janë menaxhuar këto sfida tregon për një drejtues serioz, punëtor dhe të përkushtuar ndaj qytetarëve.

Në bisedat me shumë qytetarë vërehet një qëndrim i përgjithshëm. Mandati i parë i Perparim Ramës ka qenë i suksesshëm dhe ka ndryshuar fytyrën e Prishtinës.

Kur një kryetar fiton respektin e qytetarëve me vepra konkrete, jo vetëm me fjalë, atëherë krijohet besimi, së edhe programet e ardhshme do të realizohen me përpikëri.

Duke u nisur nga puna e bërë deri tani dhe nga besimi që i është dhënë më 12 tetor, besohet se z. Rama do ta fitojë përsëri garën në balotazh me 9.11.2025 ndaj kandidatit të LVV-së, z. Hajrullah Çeku – një figurë e respektuar, një ndër ministrat e sukseshëm të qeveris Kurti 2, por edhe ky si shumë të tjerë, vuan nga centralizimi i vendimmarrjës brenda partisë së tij.

Qeverisja e mirë si pasqyrë e një shoqërie të mirë

Z. Përparim Rama ka qeverisur Prishtinën pa ngjyra politike – si të ishte një anëtar i devotshëm i LDK-së dhe punoj si një qytetarë me qytetarë për qytetin, në një vend ku përçarja politike shpesh dominon mbi zhvillimin.

Në fund, si qytetarë, bësoj se qeverisja e mirë është koslicioni me qytetarin si pasqyrë e një shoqërie të mirë.

Prishtina,kryeqytet i vendit, ka nëvojë për një udhëheqje të përgjegjëshme, të përkushtuar dhe moderne, andej ky model duhet të vazhdojë.