Sevdail Hyseni: Shuplaka simpatike

Sevdail Hyseni

Satirike

Shuplaka simpatike

Në Kopenhagen, në sallën solemne me dekor,

Rama ecën serbes, karizmatik plot me humor.

Trumpi bën një lapsus, në vend të Armenisë,

thotë: “Paqe midis Azerbajxhanit e Shqipërisë!”.

Por Rama nuk priti, qeshi dhe tha me ironi:

“Amerika punoi, ja, paqja erdhi me mirësi!”.

Mirëpo Makroni, serioz si një pikturë murale,

s’e përshëndet marrëveshjen e merr personale.

“Duhet të kërkosh falje!”- thotë Rama me batutë,

“pse s’ma uroni këtë sukses, kaq të qetë e të butë!”.

Makroni me humor i jep një flakaresh simpatike,

ashtu siç mori ai nga bashkëshortja e tij xhelozike.

Në rrugët evropiane, me gafa, batuta e buzëqeshje,

shkundet planeti nga shiu që nuk pushon me reshje.

Në samit, ku serioziteti shkon me humorin miqësor,

shuplaka alegorike bëhet “hit” diplomatik botëror!

(Karikatura marrë nga interneti)