Sevdail Hyseni: Pishpiriku

Sevdail Hyseni

Satirike

Pishpiriku

Sipas rregullit të lojës, pa keqkuptim,

fjala “pishpirik” nuk është nënçmim.

Në shumë raste ka vlerën më të arrirë,

se pika, xhandari, dhjeta e dyshi i mirë.

Shih si luajnë politikanët tanë pishpirik:

tre letra të fshehta, një përmbi – taktikë.

Marrëveshjet në ajër, me qesh e ngjesh,

parullat në ekran – tatari e marrtë vesh!

Nëse përkon me “popull”, marrin gjithçka:

buxhete, poste, edhe duartrokitjet me qira.

Nëse jo, e shtyjnë një letër poshtë e thonë:

– Gabim teknik, le të vazhdojë loja jonë!

Mësimi i kësaj meseleje nuk do sqarim:

loja e pishpirikut e ka edhe një çmim.

Kur politika ta shesë si triumf faqeziun,

pyet: “A bëhet llogaria pa hanxhiun?!”

(Karikatura marrë nga interneti)