Vladimir Shyti: Hyjneshat e fatit, tjerrin fatin e Ukrainës

Hyjneshat e fatit, tjerrin fatin e Ukrainës

Nga Vladimir Shyti

Një vështrim i hedhur pa paragjykim në natyrën njerzore, tregon se sherret për teritore janë bërë tashmë të natyrshme për të, ashtu sikuse kafshimi për kafshët e egra, apo goditja me brirë për largimin nga zonat e tyre:pra dhe njeriu, si kafshë grindavece sulmojnë njeri-tjetrin, ku dhe u duket gati normale. Eshtë lehtësisht e kuptueshme se këto kafshime janë një shtysë, përmes vetëkontrollit dhe bëhen midis të fortëve e të dobtëve, ku Tempullarët përcaktojnë sheshet e luftimit dhe, më pas krijonë paqen.

Armëpushim, paqe kërkohet tani midis Rusisë dhe Ukrainës, pasi arritën atë ç’ka donin. Përfitimi dhe humbja e ndërluftueseve për Ata s’përbën keqardhje, pavarsisht ndjeshmërisë së skajshme, që ka humbësi. Takimet e shumëpritura midis liderëve botëror do të jenë vetëm një zollumë, një zgjatje e “mundishme”ku fatet e Ukrainës janë tashmë të përcaktuara. Putini është i sigurtë në ndërmarrjen e tij për teritoret, por me gjasme i jepet mundësia Zelenskit të vendosë, një lojë fati, ku të rrahin dhe të përkëdhelin kryet.

Në rastëse Rusia si superfuqi do të përfitojë teritore nga Ukraina, do të kemi zgjimin e të tjerë shetesh, që kanë pretendime të hershme teritoresh midis tyre. Të gjithë lëvozhgat dhe guaskat, që mbanin kyçur brenda zjarrin e qenies me të drejtë dhe pa të drejtë do të thërrmohen, ku dhe do të shtohen kafshimet kafshërore. Kjo do të ishte një telashë i rëndë botëror, ndaj duhet menduar me mençuri, para se të këndohet koralia e madhe.

Hyjneshat e fatit po tjerrin fillin e hollë për Ukrainën, por edhe për të tjera shtete që janë në mëshirë të fatit, ndrijnë gërshërët. Vdekja nuk është disa vjeçare, nuk mund të thuhet me saktësi sa e vjetër është e sa kohë kanë kaluar;ajo ka qenë edhe është. Ajo kërkon për njerëzimin një kohë më të mirë dhe një botë më e mirë. Toka është e rëndë dhe e ashpër, elementi i katërt i Tërësis dhe nuk ka pjesë: e vrazhdë dhe armiqësore, ku vdekjet po bëhen jo vetëm natyrale.

Demonët janë çakardisur, kanë lëshuar shigjetat e zjarrta drejt qiellit;sepse për të ndier Unin e vërtetë kanë piketuar se ku do të bien shigjetat, Ata kanë nevojë për të fuqizuar vetveten dhe të zbatojnë planet e tyre të errta. Tashmë i kuptojë në mënyrë kaq të plotë, fjalët e moçme për fatin sipas të cilave në zemër lind një gëzim i ri, nëse ajo i qëndron dhe përballon natën e thellë të kobit, ku kënga e jetës së gjithësisë kumbon hyjnishëm në terr, si kënga e bilbilit vetëm në dhimbjen e madhe, që sjellin herë pas here të çakardisurit Demonë. Pra, dhe fati Ukrainës e shumë shteteve të tjera që kanë hyrë dhe janë në konflikte teritoresh, t’i kenë parasysh këto pak rrjeshta të thjeshta, që tregojnë shumë.