Nikoleta Kovaçi: Kush t'jetë i pamëkat, le të hedhë gurë!

Kush t'jetë i pamëkat, le të hedhë gurë!

Nga Nikoleta Kovaçi

Prej dje, kur nisi uzurpimi i barbarëve në ambjentet mediatike të "News 24", nisën edhe komentet gjithfarësh, në lidhje me: 1-gjoja zbatimi i ligjit, nëpërmjet zbatimit të nji vendimi gjykate!

2-gjoja nji prishje pazaresh mes palësh, në rastin konkret pronarit të Shqipnisë me pronarin e mediave të sulmueme!

3-gjoja se pronari i Shqipnisë nuk ka problem me fjalën e lirë, po se kjo asht shpikje e jona, që punojmë aty!

4-gjoja se nji ditë do t'i vinte radha edhe atij, pra pronarit të grupit mediatik meqë nuk reagoi për rastet e ngjashme brutale që kanë ndodh në këtë vend!

Tani t'i marrim me radhë, sepse nga reagimet, kuptohet se kush asht kundër sistemit zuzar, kush 'fërkon' duart, kush ka mllef mbi median dhe kush enkas përzien motivet e sulmit me shmang atë thelbësorin!

1: Nëse ka ndonjë naiv në këtë vend që ende s'e kupton qëllimin e një shembje apo sulmi, kur çohet polici e ushtri duhet t'a kuptojë se nuk asht kurrë për arsyet që demonstrohen! Shkoza i duhet mafies, nuk e di se cilës; së ndërtimit apo armëve, apo e të dyjave bashkë, por duhet, siç janë dashtë me qindra prona shtetnore në këtë vend! S'po hy me i numërue, po mos iu hidhni hi syve atyne që duen me kuptue sado pak atë çfarë po ndodh!

2: Shoh qëndrime që shënjestrojnë pronarin e kompanisë, me të cilin mbulojnë atë ç'ka vërtetë po ndodh e ban dam të madh! Në këtë rast, për të gjithë ata që kanë lidhje me pushtetet e çdollojshëm iu kujtoi shprehjen e Jezusit: Kush asht i pamëkat të gjuajë me gurë sa të mundet! Veç pyetni mirë vedin, sa mëkate janë ba në kurriz të medias, gazetarisë e mbi kurrizin e gazetarëve! E kushdo që e sheh vedin të pastër e të lamë prej ksaj historie, le të marrë flamurin e së vërtetës e do e ndihmoj me sa fuqi të kem!

3-Po, po! Edvini e ka problem shumë serioz nëse nji fjalë asht kundër tij! Nëse nji fjalë shkon në favor të rivalëve të tij, e jo vetëm politik! Mos bani sikur s'kuptoni, mos anashkaloni çka përban thelbin e nevojës së tij për t'a kthye fuqinë e pushtetit në regjim! A asht ba sa duhet kundër ktij regjimi nga ai grup mediatik: Jooo! A asht shkrue sa e ç'a duhet joooo, a i asht shërbye së keqes që tash do të bahet sistem, poo, ama kurrë ma shumë se sa nëpër simotrat e atij grupi mediatik! Ama herë mas here, ndryshe mediave të tjera ka pas zëra e fakte që kanë shkue deri te vatrat e helmimit masiv që solli 11 majin e mandatit të 4 dhe e gjitha përkthehej si inat personal apo të paguem nga krahu tjetër politik! Edvini asht soji që e njeh lirinë vetëm kur t'a jep vetë! Bani kujdes, se të gjithë mas dere do e kini, përveç meje që s'ka ç'ka me më ba!

4: gjithëherë media në vendin tonë asht përzier enkas në shumëkuptimësi! Edhe ksaj here, shoh që minimizohet sulmi brutal i Edvinit në sulm vetëm ndaj nji televizioni! Sepse kështu do vetë Edvini dhe kështu duhet reaguar qoftë edhe kundër tij por pa përmend gja tjetër veçse mbylljen përkohësisht të një media e jo një mori mediash!

Aty, në atë godinë janë përveç News-it edhe 2 gazeta, 3 portale, nji radio!

Dje ishte e shtunë! Ditë pushimi për gazetarët e gazetave, po jo e diela! Sod duhej të shkonim në punë që nesër të dilnin PANORAMA dhe Panorama SPORT! Në fakt nesër nuk dalin asnjana, sepse junta ushtarake e Edvinit ka bllokue hyrjen në zyrën ku gjenden kompjuterat e domosdoshëm për me e ba gazetën! Pra nesër Shqipnia ka me pas mungesën e dy gazetave, ka me pas mungesën e dy gjurmëve kryesore të dokumentimit të maskaradës në emër të zbatimit të ligjit të zhvatjes së gjithçkaje në këtë vend!

Mungesa e nji gazete serioze në treg asht sinjal i rrezikshëm! Mbajeni mend: asht mbase akti ma djallëzor i Edvinit, e jo vetëm i tij, unë e kam bindje se asht edhe përtej tij! Vetëm mendoni pak; pse shqiptarët se kanë nji gazetë në asnjë shtet...?