Mihal Gjergji: Jam në atdhe

Mihal Gjergji

JAM NË VATAN

Jam në Himarë, e kam vatan

sot e nga mot

Deti më pret, mali më mbron

dhe ndjehem zot

Vjen princi Gjon, i bën konak

Krokodil Kladha

Vala në zbritje u puth gjurmët

me stërkala

Qetohen retë dhe dallga shkrihet

bëhet vesë

Kurorë mbi krye isua labe

del t'i presë

Një hark rrufeje kap me dorë

dhe e bëj shpatë

Hënën e zbres, më ndriçon shtigjet nëpër natë

Nuk ka Himerë, as Posejdon

ka veç Himarë

Me sofrën plot, jam zemërmadh

por jo barbar

Ndaj bëhem yll e ndrij nga larg

mes yllësive

Pres e përcjell me shpirt e gjuhë

të perëndive

Jam dukë dhe kont, princ dhe shenjtor

Se kam ndër deje gjak mbretëror!

Himarë, Korrik 2018.