Albert Habazaj: Mërgata e luleve

MËRGATA E LULEVE

Albert HABAZAJ

Mërgojnë lulet

Mërgojnë shqipet,

Lulëzimi shterp

Fluturimi s’ngjitet.

Mërgojnë zemrat

Pa rrahur me ritme,

Po zbardhen këngët

Po plaken vitet.

Mërgon pranvera

Me gjithë lulet,

Me rrënjë Shqipëria

Rrezik të shkulet.

Nuk është ikja

Monument shprese,

Rikthimi tek nëna

Syth i blertë jete.

[Romë, 27.04.2000; botuar në librin “Mërgata e luleve: poezi refugjate e të tjera]