Afrim Fanda: Fati politik i shqiptarëve në ish IRJM, në duart e jeniçerëve pa identited dhe pa vetëdije kombëtare

Fati politik i shqiptarëve në ish IRJM, në duart e jeniçerëve pa identited dhe pa vetëdije kombëtare

Nga Afrim Fanda

Në kohërat më të vështira dhe të pasigurta për gjithë Evropën në përgjithësi, dhe për shqiptarët në veçanti, fati politik i shqiptarëve  në ish IRJM ndodhet në duart klasës më të papërgjegjshme në historinë e shqiptarëve.  Ndodhet në duart e hoxhallarëve dhe haxhilerëve injorantë në shërbim të ortodoksisë antishqiptare panslaviste. Ndodhet në duart e jeniçerëve pa identitet dhe pa vetëdije kombëtare, pa ndërgjegje dhe pa integritet moral, të cilët shesin interesat e shqiptarëve hapur, në pikë të ditës pushtetit shovinist antishqiptar me një kryeministër antishqiptar, mediokër i cili hapur dhe me arogancë shpreh synimet antishqiptare para opinonit vendor dhe të huaj.

Kështu, kryemnistri Mickovski, para pak ditësh, në konferencën “CPAC” në Uashington, gënjeu hapur publikun amerikan duke shtrembëruar realitetin e strukturës së popullsisë në ish IRJM, duke paraqitur “maqedonasit” si popull shumicë me dy të tretat e popullsisë, dhe duke futur shqiptarët në grupin e  “të tjerëve”, bashkë me turqit, romët, serbët, boshnjakët... që sipas tij përfaqësojnë të gjithë së bashku një të tretat e popullsisë. Kryeministri gënjeshtar “harroi” se edhe sipas rezultateve të censusit të fundit të kontestuar nga të gjithë fqinjët, të publikuara në vitin 2022, “maqedonasit” paraqesin 54.2 % të popullsisë, shqiptarët 29.5%, turqit 3,98%, romët 2,3% dhe serbët 1,2%, ndërsa pakicat e tjera veç e veç nuk kalojnë pragun e 1% të popullsisë.

Dhe asnje parti shqiptare në ish IRJM nuk reagoi për këtë gënjeshtër të kryeminsitrit, me synime të qarta antishqiptare.  Nuk reagoi as Tirana zyrtare, ndërkohë që Prishtina zyrtare e udhëhequr nga Lëvizja për Vetëvendosje vazhdon muajin e mjaltit me VMRO-në, partnerin e tyre të koalicion në qeverinë e ish IRJM. Madje qeveria e udhëhequr nga Albin Kurti, vlerëson kaq lart qeverisjen antishqiptare të VMRO dhe LSDM, saqë këto ditë angazhoi Nikola Dimitrov ish ministrin e jashtëm të ish IRJM, për këshilltar të qeverisë që drejton.

Kryeministri Mickovski, fajësoi përfqësuesit politik të shqiptarëve në qeverinë paraprake, se kanë negocijuar dhe shitur “identitetin e tij maqedonas” dhe “gjuhën e tij maqedonase”, duke akuzuar konkretisht Bujar Osmanin, ish minister i jashtem nga rradhët e BDI-së. E jeniçerët shqiptarë pa dinjitet, në pushtet dhe opozitë, në vend se ti thonë kryeministrit histerik se identiteti nuk mund të përvetësohet, as të blihet e as të shitet, ndaj për gjuhën dhe historinë e përvetësuar ta zgjidhi me Bullgarinë, e ndërkohë të angazhohen për t’i dalur zot terrritorit të tyre të prvetësuar, kishave dhe manastireve të përvetësuara, e bashkë me grekët dhe bullgarët ti dalin zot edhe  emrit “Maqedoni”, ata lëvdohen publikisht se sa shumë kanë bërë për të mbrojtur identitetin dhe gjuhën e përvetësuar “maqedonase”, pa bërë asgjë për të drejtat kolektive të shqiptarëve.

Ndaj ish ministri i jashtëm Bujar Osmani, duke ju përgjigjur kryeministrit Mickovski u krenua se ai ka bërë për gjuhën maqedonase më shumë se kushdo tjetër. Për hoxhën deputet Adnan Azizi, kryeministrin Mickovski “nuk ka ngarkesë nacionaliste dhe me racionalitet u qaset temave”.  Ali Ahmeti, i cili pasi “shkatroi” Jugosllavinë, tani po kujdeset me shumë emocione për “Jugosllavinë e vogël” të quajtur “Maqedoni”, aq, sa që  është shumë i brengosur se “nëse dikush shkon në Bullgari e dikush në Shqipëri, kujt do ti mbetet Maqedonia”. Ministri i Mickovskit, Fatmir Limani, pas refuzimit të vizës për SHBA, shprehet publikisht i penduar për “veprimtarinë e tij atdhetare”, duke sqaruar se ka flijuar gjithëçka, “për të riatdhesuar Ali Ahmetin, bashkë me fëmijët dhe shokët e tij, në vendëlindje me forma dhe mënyra të palejueshme nga ligjet ndërkombëtare”.  Ndaj këshillon gjeneratat pasuese “që të jenë të kujdes'shëm, për çka vetëmohohen”!?

E, pikërisht gjatë këtyre ditëve të ramazanit, derisa këta më sipër aktronin rolin e besimtarit të devotshëm , mediat e blera në gjuhën shqipe heshtën por mediat në gjuhën “maqedonase” njoftuan për hajdutërinë e rradhës të kësaj klase politike, e veshur me petkun e besimtarit të devotshëm musliman.

Por a beson hajduti dhe tradhtari në zot!?

https://www.facebook.com/afrim.fanda