Neki Lulaj: Sa gjatë

Neki Lulaj

SA GJATË

Gjatë të kërkuam ty

nëpër dregëzat e erës

nëpër katet në shkrepëtimë qielli

nëpër dhomat e reve të dendura

nëpër shtresat e motit kah dielli.

Të kërkuam nëpër livadhet e shpirtit

nëpër korët e tokës

nëpër poret e dritës flakërimë

nëpër ndërskëmbcat e territ

në shtegun e pritës për dashuri.

Të kërkuam në bebëzat e gjyshit

nëpër bulat e vesës

nëpër patalët e luleve e gjëmbit

nëpër rrënjët e gurit

nëpër bjegëzat e shkëmbit.

Të kërkuam në korrikun e shtatorin e sakrificës

në shallin rreth qafës te urtakut

nëpër damarët e fjalës se ndrydhur

nëpër flakën  e vuajtjeve dhe burgut

në trimërin e ushtarit.

Të kërkuam nëpër dyert e diplomacive tinzare

nëpër gurrat e vuajtjeve shekullore

nëpër pellgjet e hënës

nëpër koridoret e diellit

mbi valët e cunamit si ëndërr.

Të gjetëm në erën e barutit

po të gjetëm në Betimin e luftëtarit

në heroizmni e deshmorit

në besën e shenjët te shqiptarit

ti Liri nusja e Dardanit.