Ndue Ukaj: Rrena e madhe e Kurtit

Ndue Ukaj:

Për mrekullitë ekonomike të Shqipërisë dhe epërsitë e saj kundrejt perëndimit, fliste para disa dekadave diktatori Enver Hoxha me krejt bandat e tij, ngjashëm siç flet sot Albin Kurti e Donika Gërvalla, për mrekullitë ekonomike të Kosovës. Shkollë e njëjtë, mendësi e njëjtë.

E vërteta e Shqipërisë komuniste ishte ndërkaq krejt e kundërta, një Shqipëri e rrënuar e mbyllur, në të cilën, siç tregon Zef Pllumi, njeriu kishte mbërri në një stad të shtazifikimit, urrejtja kishte ngulfatë gjithçka e njerëzit e paditur kishin marrë në dorë gjithçka. Në këtë Shqipëri, që ishte parajsë për bandat komuniste, askush tjetër nuk gëzonte liri e as të drejta njerëzore.

Pikërisht këtë lloj drejtësie, ia propozojnë Kosovës bandat politike që urrejnë perëndimin.

Këtë lloj mrekullie ekonomike, ia propozojnë Kosovës mendjet e droguara ideologjike.

Këtë lloj lirie njerëzore, ia propozojnë Kosovës, Kurti dhe soji i tij.

Dhe rrena e madhe e Kurtit, që është intrigë e pastër ideologjike, është sovraniteti e veriu, që janë përdorë si ambalazhim për t’i mbuluar marrëzitë ideologjike të luftës së tij kundër perëndimit, në të cilën betejë, ai është i vërtetë.

Prandaj, kjo mendësi ideologjike e urren Shtëpinë e Bardhë dhe krejt ata që ua thonë të vërtetën.

Sepse, kjo mendësi, Kosovës ia propozon atë lloj sovraniteti që kishte Shqipëria komuniste, një parajsë vetëm për klikën kriminale që nuk qeveriste, por sundonte.

Pra, fatkeqësia më e madhe e Kosovës dhe barriera kryesore e saj, nuk duhet kërkuar jashtë Kosove, mos e kërkoni në Amerikë e Europë, ajo është ideologjia e egër antiperëndimore.