Sevdail Hyseni: Sekreti i hithit

Sevdail Hyseni

Satirike

Sekreti i hithit

Një fshatar punëtor i mbarë,

Nuk e kishte lopën me barrë,

Merr rrugë në fshatin tjetër,

Për ta gjetur bikun mjeshtër.

Gjatë rrugës sheh një plakë,

Tek punonte me fort merak.

– Punë të mbarë, moj Loke,

Ku e ka shtëpinë lala Çoke?

I thot plaka me zërin e urtë,

Matanë bregut tek ajo skutë.

Fshatari shkoi t’kërkoj nder,

Por, lalë Çoke ia priti prerë:

– Bikun nuk e kam tip-top,

Sot ka pasur një tjetër lopë.

Pas dy ditësh hajde përsëri,

Ndoshta atëherë je nafakli!

Kthehet fshatari pa dëshirë

Plaka e pyeti: – Çka ke bir?

– Biku i Çokes s’kish’ takat,

Dhe më tha të pres më gjatë.

Plaka e këshillon me përvojë:

– Merr ca hitha le t’i provojë.

Kur ia fërkoni, topet bikut,

E bënë punën e automatikut!

Kthen fshatari kërkon qare,

Po, lalë Çoke s’ ja var fare:

– Të thash biku s’është mirë,

Është i lodhur, rri veç shtrirë.

– Prit, mor Çoke, mos u ngut,

Kam këshilla nga plakë e urtë.

Një gusht hithra, bëjnë çudira,

Kthehet biku për punë të mira!

Me tu kthyer e gjen në bahçe,

E uron plakën e puth në faqe!

–Me ty e dashur jemi me fat,

Paçi shëndet e jetë të gjatë!

Një porosi, loke, mos harro,

Këshillën grave, mos u trego!

Se për ndryshe, bëhemi horë,

Veç me hithra, rrinë në dorë!

(Karikatura marrë nga interneti)