Sevdail Hyseni: Plasi filmi

Sevdail Hyseni

Satirike

Plasi filmi

Një koprrac i madh, bëri një çudi,

Vret tre familjarë, humbi çdo kufi.

Gjykatësi e pyet, me plot ngarkesë:

-Pse i vrave të gjithë, mos pate stres?

-Po, këtu fillon historia ime e pafat,

Vajzën e zura me dy djem në shtrat.

Gjykatësi ndërhyn: -Eh, të plasi filmi?

Jo, thash është e re, s'është faji i imi!

Në mbrëmjen tjetër, ndodhi një befasi,

Djalin e pashë me një djalë në dashuri.

Gjykatësi: -Eh, të plasi filmi, o ditëzi!

Jo, kujtova, ndoshta ai e do’ këtë gjini!

E fundit ndodhi ajo që më la pa gjumë,

E kapa gruan me fqinjin, në atë punë...

Gjykatësi klith: -Eh, tani filmi të plasi!

Jo, mendova ajo e dëshiron nga marazi.

-Po, pse atëherë i vrave me hidhërim?

Pyeti gjykatësi i mbushur shqetësim:

Sepse në kuzhinë e pashë trishtimin,

-Shporeti i ndezur ma plasi filmin!

Mesazhi i batutës nxjerr këtë porosi:

Kur njeriu gjërat i merr me shpejtësi.

Vetëm koprracit lakmia i shkrep,

I soset durimi kur preket në xhep!