Petrit Dibrani: Cikli për vlerat kombëtare...

Petrit Dibrani:

Cikli për vlerat kombëtare-gjithfarë është e jona, i të jetuarit e vepruarit Shqiptarisht dhe ekzistencës tonë, duhet të përsëritet pambarimisht.

Feja-besimet fetare.

Mënyra, forma më e suksesshme për tjetërsimin e ndarjen dhe përçarjen e shqiptarëve, nga armiqtë tanë shekullor.

Diskutimet për besimet fetare, në forma të ndryshme dhe thuajse të përditshme, nxiten nga shërbime të caktuara, që kanë punuar e punojnë për nxitje të urrejtjes, përçarjes dhe zhdukjen e vlerave tona kombëtare.

“Asnjëherë nuk ndodh asgjë rastësisht, ngase askush nuk kërkon dhe vepron, diçka paarsye”.

Qëllimi i armiqve shekullor, ishte dhe mjerisht po vazhdon, ndarja e përqarja dhe sundimi.

Ndalimi i arsimimit të shqiptarëve, arsyeja e vetme pse shqiptarët historikisht, i drejtuan kah kultet fetare.

Prandaj; në çdo debat për fenë në Kosovë, e sidomos në debatet aktuale me nofka dhe anonime në disa portale, ku gjuha e urrejtjes është shumë më e shpeshtë sesa, diskutimet njerëzore të argumentuara dhe racionale, me akuza, sharje, shpifje, kërcënime dhe anatema të shpeshta, që në taboret debatuese i shpërfaqin dhe përsërisin.

Andaj!

Është e domosdoshme me lexu dhe kuptu, “Kushtetutën e Republikës së Kosovës”.

Kosova është Republikë Parlamentare dhe shtet laik.

Shteti është neutral ndaj çdo besimi fetar, pavarësisht nga proporcioni i njërës apo tjetrës fe dhe të pafesë.

Feja është kategori kushtetuese në aspektin e jo-diskriminimit, sikurse që janë edhe raca, ngjyra, gjinia, gjuha, mendimi politik, prejardhja kombëtare e shoqërore, gjendja ekonomike e pronësore, orientimi seksual, apo aftësitë e kufizuara, neni 24 i Kushtetutës.

Vetëm atëherë kur të lexohet e kuptohet dhe respektohet nga t’gjithë padallim, “Kushtetuta e Kosovës” dhe kushdo që vepron kundërligjshëm, të dënohet, tregojmë pjekuri qytetare, aftësi shtetërore dhe gatishmëri për anëtarësim në strukturat euro-atlantike.

Nëse nuk mësojmë nga e kaluara, jemi të dënuar që ajo t’na përsëritet, mirëpo edhe nëse nuk e ndryshojmë të ardhmen, jemi të dënuar ta durojmë të keqen, mjerimin e tjetërsimin dhe shkombëtarizimin!

Dhe prandaj duhet folur, shkruar e vepruar për të kujtuar çfarë ka ndodhur, në mënyrë që mos të përsëritet më. Ngase gabimi më i madh është të heshtësh dhe të paraqitesh, sikurse nuk ka ndodhur asgjë.

Ju dua të bashkuar, shqipe….??