Fahri Xharra: ''Zbritja në dekada'' – një perlë e re e Ibrahim Kadriut

''Zbritja në dekada'' – një perlë e re e Ibrahim Kadriut

Shkruan Fahri Xharra

"Gënjeshtra e vazhdueshme nuk ka për synim krijimin e gjasave që njerëzit t'u besojnë të pavërtetave, por bërjen të mundur që askush mos t'i besojë më asgjëje më tutje. Një popull që nuk është i aftë të bëjë dallimin jetik midis të vërtetës e gënjeshtrës, nuk mund të dallojë mirëfilli as të mirën nga e keqja. Një popull i tillë, të cilit i është mohuar aftësia për të menduar dhe gjykuar kthjelltësisht, është, pa qenë fare i vetëdijshëm për këtë gjë, i nënshtruar plotësisht ndaj sundimit të gënjeshtrës. E njerëzve të tillë mund t'u bësh çfarë të duash rrjedhimisht". (Hannah Arendt)

Mu këte që e lexuat më sipër Ibrahim  Kadriu  e trajton në “ Zbritje në dekada “ . A me të vërtetë duhet të mbesim viktimë e gënjeshtrave të vazhdueshme që e kanë pra  qëllimin

krijimin e gjasave që një pjesë e madhe e popullit tonë t`iu besojnë të pavërtetave që ne  të zhytemi thellë e më thellë në gropën e injorancës e cila na kërcnon me zhbërje të kombit.

"Zbritje në dekada" paraqet vazhdimësi të të ndodhurave historike në mesin tonë, kur shqiptarët i kishin të kufizuara mund?sitë e zhvillimit normal. Ishte ajo kohë e mbretërisë SKS, kur shqiptar?ve nuk iu lejohej mësimi, ose kur fëmijët shqiptarë ishin të shtrenguar te mësonin lutjet fetare përmendsh në gjuhën arabe, duke mos kuptuar fare se çfarë ishte ai mësim.

Pra, një trajtim i mrekullueshëm e synimeve serbe fill pas pushtimit (1912 )  që mundohej me anën e hoxhallarëve rus të na ”mësojë“ rrugën e asimilimit dhe bartje në Turqi.

Serbia e shtyrë nga “Presioni  nderkombëtar “ i hapi shkollat edhe për ne dhe ato vetëm sërbisht që neva ata hoxhallarët rus dhe boshnjak të serbizuar, të na i bindin prindët që të mos na dërgojnë në shkolla se bëhemi “ shkije”.

E vetmja rrugëdalje ishte që të “shkollohemi’ në Medresen e Shkupit  e quajtur “Aleksanndër Karagjorgjeviq“ ideatori  i të gjitha mbrapshtive kundër nesh.

Aty lindshin hoxhallarët e rinj të cilët duhej të vepronin me masën e pa arsimuar shqiptare që të vepronin si iu diktonin mësuesit rus të medresës.

Ndër ne edhe atëherë egzistonin forca të errëta, atëherë të cilat kanë vepruar dhe veprojnë edhe për të manipulura të tashmen  dhe të shkatërrojnë të ardhmen tonë

Ekzistojnë forca të errëta që, atëherë dhe tani, kanë vepruar për të ndarë njerëzimin, për të shkatërruar paqen dhe për të manipuluar të ardhmen.

Kanë egzistuar gjithmonë, si atëherë ashtu edhe sot, grupe individësh   që veprojnë kundër harmonisë dhe mirëqenies  shqiptare. Ata po bëhen promotorët e vecimit të fesë së caktuar duke ndjekuar axhendën e errët të Serbisë së sotme. Libri na i rikujton shumë detaje të cilat ishin të përziera nga propaganda serbe dhe analfabetizmi ynë.

Tema që e trajton Ibrahim Kadriu nuk ishte e vetëm e një periudhe por ka pasur shumë ngjarje të tjera që reflektojnë të njëjtën prirje për të zhdukur dijen dhe trashëgiminë tonë . Secili prej nesh duhet të përdorë shqisat dhe aftësitë e veta për të hulumtuar botën rreth tij, duke analizuar me kujdes ndikimet mbi jetën tonë dhe të familjeve tona. Vetëm përmes vëmendjes dhe hulumtimit mund të kuptojmë të vërtetat e fshehura që formësojnë historinë dhe të ardhmen tonë. Sepse ata që qëndrojnë pas kësaj, sado të fuqishëm, mbështeten mbi paditurinë tonë për të ruajtur kontrollin e tyre.

Po, si t`i largojnë shqiptarët nga tokat e tyre ? Hoxhallarët rus i dergonin medresalijt në Turqi që të këheheshin me fjalë bindëse që naivet mbeteshin gojë hapur për mirëqenjen atje  dhe se e vërteta e muslimanizmit   qendrën e kishte mu atje. Mileti i pa arsimuar i gjendur në mes qeverisë dhe pushtetit serb dhe fjalët e hoxhëve  e merrte rrugën në mënyrë të organizur po nga ata, dhe i zbrazte tokat e veta.

Libri i sjellë edhe disa ngjarje komike, një ndër to ishte edhe varrosja e hoxhës rus në oborrin e xhamisë së fshatit Pykë. Si të varrosej si hoxhë  apo si ortodoks rus.? Xhemati donte që ate ta lanin , t`i këndohej talkini . Krye Imami i regjionit një boshnjak i cili e dinte të vërtetën mundohej të bind xhematin se  ne këte rast të bëhej perjashtim . Donin t`ia dini emrin e nënes së tij dhe nuk mundshin ta merrnin me mend se pse askush nga familja nuk i erdhi në varrim. Varrosja u krye ashtu si deshti Haxhi  Selim Berberoviqi me fjalët e fundit:” Besimtarë të devotshëm, k137ti hoxhe që ishte ndër më të mirët në nahijen tonë, Allahu ia siguroftë ahiretin në atë dynja ! Kori i të paditurve ; Amin !

Unë besoj se një grup i fuqishëm dhe i organizuar – që me shekuj ka ekzistuar midis nesh , në realitet kanë ndjekur plane shkatërrimtare, ky grup vepron edhe në dhjetë dekadat e fundit, ata dominojnë gjithçka si politikën  deri te autoritetet e dijes.

Fahri Xharra, 16.11.24

Gjakovë